هــــه‌واڵ عــیراق
سه‌دان په‌نابه‌ر عراقى له‌ "هۆل" سوورى گله‌وخواردن ئه‌را عراق

سه‌دان په‌نابه‌ر عراقى له‌ "هۆل" سوورى گله‌وخواردن ئه‌را عراق


شه‌فه‌ق نيوز/ وزاره‌ت كووچ و كووچبه‌ره‌يل عراقى، ئاشكراى گله‌وخواردن 446 په‌نابه‌ر عراقى كرد له‌ كه‌مپ ئه‌لهۆل له‌ سوريا ئه‌را ناو خاكه‌يل عراقى.

 

له‌ى باوه‌ته‌و، جوان محه‌مه‌د وه‌ڕيه‌وبه‌ر به‌ش پاريزگايه‌يل له‌ هه‌رێم وت: له‌ چوارچيوه‌ى به‌رنامه‌ى وزاره‌ته‌گه‌ ئه‌را هاتنه‌وه‌ى ته‌وعى، كادره‌يل لق وزاره‌ته‌گه‌ له‌پاريزگاى دهۆك وه‌ هاوكارى وه‌ل وزاره‌ت جيوازكردت ده‌سكردنه‌ هاوردنه‌وه‌ى 446 عراقى له‌ ناوچه‌ى عزاز له‌ سوريا له‌ڕى توركياو ده‌روازه‌ى ئبراهيم خه‌ليل وه‌ دو وه‌جبه‌.

 

جى باسه‌، محه‌مه‌د هه‌ميش وت: وه‌جبه‌ى يه‌كه‌م 234 په‌نابه‌ر بوينه‌و وه‌جبه‌ى دويه‌ميش 212 په‌نابه‌ر بوينه‌و باس له‌وه‌يش كرد ك وه‌جبه‌يل تريش وه‌ گووره‌ى پلانه‌يل ئه‌ڕه‌سنه‌ ناو خاك عراق، ئه‌ويش وه‌ ريككه‌فتن وه‌ل لايه‌ن سورى.