هــــه‌واڵ كــوردى
تيميگ ئه‌را گه‌ردين له‌شوون راوچيه‌يل له‌ به‌غداوه‌ ره‌سينه‌ سلێمانى

تيميگ ئه‌را گه‌ردين له‌شوون راوچيه‌يل له‌ به‌غداوه‌ ره‌سينه‌ سلێمانى


شه‌فه‌ق نيوز/ سه‌رچه‌وه‌يگ وه‌رپرس ئاسايشى و شايه‌تحاڵه‌يل باس له‌وه‌ كردن ك تيميگ قورتاركردن له‌ وزاره‌ت ناوخوه‌يى عراقيه‌و ره‌سينه‌سه‌ قه‌زاى رانيه‌ سه‌ر وه‌ پاريزگاى سلێمانى ئه‌را به‌شداريكردن له‌ مه‌سه‌له‌ى گه‌ردين له‌شوون ئه‌و هه‌ردوگ راوچيه‌ ك ئه‌را ماوه‌ى فيشتر له‌ هه‌فته‌يگه‌ بى سه‌روشوونن.

 

ئه‌و سه‌رچه‌وه‌و شايه‌تحاڵه‌يل ئاشكراى ئه‌وه‌ كردن و وتن: ئه‌و تيمه‌ ك له‌ به‌غداوه‌ هاتگه‌ له‌ڕى بنئاوگه‌رده‌يل تايبه‌ته‌و ده‌سكردنه‌سه‌ گه‌ردين دوياى شكه‌ست هه‌وڵه‌يليگ ئه‌را مينه‌كردن ئه‌و هه‌ردوگ راوچيه‌ ك خوه‌يان و به‌له‌مه‌گه‌يان له‌ په‌نچشه‌ممه‌ى گوزه‌يشته‌و تائيسه‌ دياريان نيه‌ له‌ ده‌رياچه‌ێ قه‌زاى رانيه‌.

 

جى باسه‌، سه‌رچه‌و و شايه‌تحاڵه‌يل هه‌ميش وتن: ئوميد ئه‌وه‌ هه‌س ئى تيمه‌ بتويه‌نێد ئه‌و هه‌ردوگ ته‌رم بوينێده‌وه‌و ئاماژه‌ وه‌يه‌يش كردن ك زويتر كه‌سوكار راوچيه‌يل داوا له‌ ئداره‌ى پاريزگا ئى تيمه‌ بان ئه‌را رانيه‌و بگه‌رنه‌ شوون ته‌رم ئه‌و دووانه‌.