هــــه‌واڵ كــوردى
خارجيه‌ێ ئيرانى له‌باره‌ێ لێدوانه‌يل باقرێ له‌بان راپرسێ جواو وزاره‌ت پێشمه‌رگه‌ داره‌و

خارجيه‌ێ ئيرانى له‌باره‌ێ لێدوانه‌يل باقرێ له‌بان راپرسێ جواو وزاره‌ت پێشمه‌رگه‌ داره‌و


شه‌فه‌ق نيوز/ به‌هرام قاسمى قسه‌كه‌ر وه‌ناو وزاره‌ت خارجى ئيرانى، لێدوانه‌يل ليوا باقرى سه‌رۆك ئه‌ركان هيزه‌يل چه‌كدار ئيرانى له‌ باره‌ێ راپرسێ هه‌رێم كوردستان عراق وه‌ ليدوانه‌يليگ پڕ دقه‌ت تاريف كرد.

 

قاسمى له‌ كۆنگره‌يگ رووژنامه‌گه‌رێ وت: گشت كه‌سيگ ئازاده‌ له‌ لێدوان، يه‌يش له‌ ئاماژه‌يگ ئه‌را باقرێ له‌بان راپرسێ ك بويه‌ مايه‌ێ تويڕه‌بوين وزاره‌ت پێشمه‌رگه‌.

 

قاسمى وت: ئيمه‌ هه‌ڵويستمان ئاشكراسه‌ له‌باره‌ێ راپرسێ و عراقو يه‌كێتى خاكه‌يل عراق و لێدوانه‌يل ليوا محه‌مه‌د باقرييش له‌باره‌ێ راپرسێ هه‌رێم كوردستان عراق پڕ دقه‌ت بويه‌و هويچ كيشه‌يگ له‌ى باوه‌ته‌و روێ نه‌ياگه‌.

 

جى باسه‌، رووژ جومعه‌ێ گوزه‌يشت وزاره‌ت پێشمه‌رگه‌ له‌ هه‌رێم كوردستان قسه‌يل باقرى ره‌ته‌و كرد له‌ وه‌خت ديدارێ وه‌ل ره‌جه‌ب ته‌يب ئه‌ردوغان سه‌رۆك توركى له‌باره‌ێ راپرسێ.