هــــه‌واڵ كــوردى
كوردستان بارودوخه‌گه‌ ئارامه‌و ئه‌كاو رازيه‌ وه‌ ده‌سپيشخه‌رێ عبادى

كوردستان بارودوخه‌گه‌ ئارامه‌و ئه‌كاو رازيه‌ وه‌ ده‌سپيشخه‌رێ عبادى


شه‌فه‌ق نيوز/ حكومه‌ت هه‌رێم كوردستان، خوه‌شاڵ بوى وه‌ داواى حه‌يده‌ر عبادى سه‌رۆك وه‌زيره‌يل ئه‌را گفتگوو له‌باره‌ێ ناكووكيه‌يل وه‌ گووره‌ى ده‌ستوور.

 

حكومه‌ت هه‌رێم له‌ به‌ياننامه‌يگ له‌ شوون دانيشن ئه‌نجومه‌ن وه‌زيره‌يل وه‌ سه‌رۆكايه‌تى نه‌يچێروان بارزانى و ئاماده‌بوين قوباد تاڵه‌بانى جيگرى، باس له‌ روێداگه‌يل ئى دوياخر كه‌ركوك و بارودوخ ئيسه‌ێ شاره‌گه‌ كرد و له‌ هه‌مان وه‌خت خوه‌شاڵييش نيشاندا وه‌ ده‌سپيشخه‌رى حه‌يده‌ر عبادى سه‌رۆك وه‌زيره‌يل عراق ئه‌را ده‌سوه‌پيكردن دانيشتن وه‌ل حكومه‌ت هه‌رێم له‌وه‌ر چاره‌سه‌ر كيشه‌يل ناونى هه‌رێم كوردستان و حكومه‌ت ناوه‌ندى وه‌ گووره‌ێ ده‌ستوور و له‌ چوارچيوه‌ى باوه‌ڕ وه‌ شه‌راكه‌ت و ته‌وافق.

 

به‌ياننامه‌گه‌ باس له‌وه‌ كرد ك حكومه‌ت هه‌رێم ئاماده‌س ئه‌را گفتگوو وه‌ل حكومه‌ت ناوه‌ندى و داوايش له‌ كۆمه‌ڵگاى ناوده‌وڵه‌تى ئه‌كا به‌شدار بدێ ده‌سميه‌ت بيه‌ێد له‌ چه‌ودێرى گفتگوو ناونى هه‌ردوگلا.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ك ئه‌زموونه‌يل مێژوويى ئه‌وه‌ چه‌سپان ك ئيراده‌ى ملله‌ت كوردستان وه‌ چه‌ك و له‌وه‌رگرتن ڕێ وشوونه‌يل سه‌ربازى له‌ناو ناوريه‌ێد و كيشه‌يل عراق وه‌ى شيوازه‌ چاره‌سه‌ر ناكريه‌ێد.