هــــه‌واڵ عــیراق
ئسرائيل ئامانج جيوازكردن مووشه‌كه‌يل ئيرانى ئه‌را عراق ده‌رخست

ئسرائيل ئامانج جيوازكردن مووشه‌كه‌يل ئيرانى ئه‌را عراق ده‌رخست


شه‌فه‌ق نيوز/ گه‌ناڵ ته‌له‌فزيۆن ئسرائيلى ئه‌وه‌ ده‌رخست ك سوپاى ئسرائيلى ئاگادار بويه‌ له‌ كاره‌يل جيوازكردن مووشه‌كه‌يل له‌ ئيرانه‌و ئه‌را عراق له‌ ماوه‌ى چه‌ن هه‌فته‌يليگ وه‌رجه‌ ئيسه‌.

 

له‌ى باوه‌ته‌و، ئه‌فسه‌ريگ گه‌وراى ئسرائيلى وت: سوپاى ئسرائيل له‌نزيكه‌و چه‌وديرى ئى مه‌سه‌له‌ كردگه‌و باوه‌ڕيشى ئه‌وه‌سه‌ جيوازكردن ئى مووشه‌كه‌يله‌ ئه‌را عراق له‌وه‌ر جواودانه‌وه‌ى په‌لاماره‌يل ئسرائيلى بويه‌

ئه‌را بان بنگه‌يل ئيرانى له‌ سوريا.

 

جى باسه‌، ئه‌فسه‌ره‌گه‌ ئاماژه‌ وه‌يه‌يش كرد، چالاكى جددى و بته‌و ئسرائيل دژ جيگيربوين هيزه‌يل ئيرانى له‌ سوريا و ناڕه‌زايه‌تى واشنتۆن وه‌رانوه‌ر ئيران له‌يوا كردگه‌ ته‌هران بڕيگ مووشه‌ك بكا ئه‌را ناو خاك عراق.