هــــه‌واڵ كــوردى
گۆڕان مه‌يل پارتى ئه‌را به‌شداريكردنى له‌ حكومه‌ت تازه‌ ده‌رخست

گۆڕان مه‌يل پارتى ئه‌را به‌شداريكردنى له‌ حكومه‌ت تازه‌ ده‌رخست


شه‌فه‌ق نيوز/ شۆڕش حاجى قسه‌كه‌ر وه‌ناو بزووتنه‌وه‌ى گۆڕان، ئاشكراى كرد ك پارت ديموكرات كوردستان مه‌يل ئه‌را به‌شداريكردن بزووتنه‌وه‌گه‌ ديرێد له‌ حكومه‌ت تازه‌ى هه‌رێم كوردستان.

 

حاجى له‌ كۆنگره‌يگ رووژنامه‌گه‌رێ هاوبه‌ش وه‌ل مه‌حمود محه‌مه‌د قسه‌كه‌ر وه‌ناو پارت ديموكرات كوردستان له‌ سلێمانى، وت: پارتى مه‌يل ئه‌را به‌شدارى بزووتنه‌وه‌ى گۆڕان ديرێد له‌ دامه‌زرانن حكومه‌ت تازه‌ له‌ هه‌رێم كوردستان و يه‌يش ده‌رخست ك تێبينيه‌يل خوه‌يان پيشكه‌ش وه‌ پارتى كردنه‌ و هويروڕا ئاڵشت وئوڵشت كردنه‌ له‌ى مه‌سه‌له‌.

 

حاجى هه‌ميش وت: ئى دانيشتنه‌ يه‌كه‌مين دانيشتنه‌ له‌ى جووره‌و دانيشتنه‌يل تر ها شوونى له‌ى بواره‌و له‌وه‌ر ره‌شين ئه‌را ئه‌نجامه‌يليگ ك له‌ به‌رژه‌وه‌ندێ هه‌رێم كوردستان و پرووسه‌ى سياسى بدێ.