هــــه‌واڵ كــوردى
پارتى شانديگ ره‌وانه‌ێ به‌غدا ئه‌كا.. ئامانجى چه‌س؟

پارتى شانديگ ره‌وانه‌ێ به‌غدا ئه‌كا.. ئامانجى چه‌س؟


شه‌فه‌ق نيوز/ شانديگ له‌ پارت ديموكرات كوردستان وه‌ سه‌رۆكايه‌تى فازڵ ميرانى سكرتێر مه‌كته‌ب سياسى له‌ پارته‌گه‌ سه‌ردان به‌غداى پايته‌خت ئه‌كا له‌وه‌ر دانيشتن وه‌ل فراكسيۆنه‌يل سه‌ركه‌فتگ له‌ هه‌ڵوژاردنه‌يل له‌باره‌ى دامه‌زرانن حكومه‌ت تازه‌.

 

روداو له‌ى باوه‌ته‌و له‌ زووان هۆشيار زێبارى ئه‌ندام مه‌كته‌ب سياسى ك شه‌فه‌ق نيوز ئاگادارى بوێ وت: پارتى شانديگ ره‌وانه‌ێ به‌غدا ئه‌كا ئه‌را دانيشتن وه‌ل فراكسيۆنه‌يل سه‌ركه‌فتگ له‌ هه‌ڵوژاردنه‌يل ئى دوياخره‌ ك ئه‌نجام دريا.

 

هه‌ميش وت: ئى شانده‌ پيكهاتگه‌ له‌ سه‌رۆكايه‌تى فازڵ ميرانى و هه‌ر يه‌ك له‌ خه‌سره‌و گۆران و شوان محه‌مه‌د ته‌ها ئه‌گرێده‌ خوه‌ى و ئامانج له‌ سه‌ردانه‌گه‌يش ئه‌را گفتگووه‌ وه‌ل فراكسيۆنه‌يل سه‌ركه‌فتگ له‌باره‌ى دامه‌زرانن حكومه‌ت چه‌وه‌ڕێكرياێ عراقى.