هــــه‌واڵ عــیراق
وه‌رپرس عه‌سایب ئه‌هل حه‌ق و ده‌سميه‌تده‌ريگى له‌ خورماتوو ده‌ستگیر كريان

وه‌رپرس عه‌سایب ئه‌هل حه‌ق و ده‌سميه‌تده‌ريگى له‌ خورماتوو ده‌ستگیر كريان


شه‌فه‌ق نيوز/ وه‌رپرسيگ ناوچه‌يى له‌ قه‌زاى خورماتوو له‌ پاريزگاى سه‌ڵاحه‌دين، ئاشكراى ئه‌وه‌ كرد و وت: هيزيگ ناوه‌ندى ك له‌ به‌غداوه‌ كلكرياوێد ئه‌را قه‌زاگه‌، وه‌پرس ميليشيايه‌يل عه‌سايب ئه‌هل حه‌ق ك قه‌يس خه‌زعه‌لى سه‌رۆكايه‌تى ئه‌كا وه‌ل يه‌كيگ له‌ ده‌سميه‌تده‌ره‌يلێ له‌ شاره‌گه‌ ده‌سگير كردنه‌.

 

له‌ى باوه‌ته‌و، محه‌مه‌د فايق وه‌رپرس وه‌رين ره‌سانن قايمقاميه‌ێ خورماتوو له‌ لاپه‌ڕه‌ێ خوه‌ێ له‌ فه‌يسبوك بڵاوكرياگيگ خسته‌سه‌ڕوێ و له‌ى ئاماژه‌ وه‌ ئه‌وه‌ كردگه‌ ك سه‌رچه‌وه‌يگ باوه‌ڕ وه‌پيكرياێ جه‌خت له‌وه‌ ئه‌راێ كردگه‌ ك وه‌رپرس عه‌سايب له‌ قه‌زاگه‌ ك ناسرياگه‌ وه‌ حه‌سه‌ن كه‌ريم ده‌سگير كرياگه‌.

 

جى باسه‌، فايق باس له‌وه‌يش كردگه‌ ك يه‌كيگ له‌ ده‌سميه‌تده‌ره‌يل ئه‌و وه‌رپرس ناوبرياگيشه‌ له‌ هه‌مان وه‌خت ده‌سگير كرياگه‌ وه‌ناو سه‌مير كه‌مال و يه‌يش ده‌رخست ك هيزيگ له‌ جواودانه‌وه‌ى گورج هه‌ردوگيان ده‌سگير كردگه‌ دوياى ره‌سينيان ئه‌را ناوچه‌ له‌ شوون چه‌ن رووژيگ.