هــــه‌واڵ عــیراق
ئيران چه‌وه‌ڕێ سه‌ردان سه‌رۆك عراقى و شانديگ وه‌زارى ئه‌كا

ئيران چه‌وه‌ڕێ سه‌ردان سه‌رۆك عراقى و شانديگ وه‌زارى ئه‌كا


شه‌فه‌ق نيوز/ سه‌رچه‌وه‌يل ئيرانى باس له‌وه‌ كردن ك سه‌ره‌تاى هه‌فته‌ى ئاينده‌ به‌رهه‌م ساڵح سه‌رۆك كۆمار عراق وه‌ سه‌رۆكايه‌تى شانديگ باڵاى وه‌زارى سه‌ردان ته‌هران پايته‌خت ئه‌كا.

 

له‌ى باوه‌ته‌و، ئاژانس تابناك ئيراننى له‌ زووان ئه‌و سه‌رچه‌وه‌يله‌ وت: بڕيگ له‌ وه‌زيره‌يل و ئه‌ندامه‌يل تازه‌ى حكومه‌ت عراقى له‌ى سه‌ردانه‌ ياوه‌رێ سه‌رۆك عراقى ئه‌كه‌ن و له‌وانه‌يش حه‌مه‌د عه‌لى ئه‌لحه‌كيم وه‌زير خارجيه‌.

 

جى باسه‌، سه‌رۆك عراقى له‌ سه‌ردانيگ فه‌رمى ره‌سيه‌ ئه‌بو زه‌بى ك وه‌رجه‌ ئه‌وه‌يش سه‌ردان ده‌وڵه‌ت كوه‌يت كرد له‌ چوارچێوه‌ى گه‌شته‌گه‌ى وه‌ره‌و وڵاته‌يل كه‌نداو.