هــــه‌واڵ جیــهانى
په‌يوه‌ندى ناونى چين و يابان هاته‌و ئه‌را بان ريڕه‌و ئاسايى خوه‌ێ

په‌يوه‌ندى ناونى چين و يابان هاته‌و ئه‌را بان ريڕه‌و ئاسايى خوه‌ێ


شه‌فه‌ق نيوز/ شينزۆ ئابى سه‌رۆك وه‌زيره‌يل يابان باس له‌ دڵنيايى خوه‌ى كرد له‌ مه‌سه‌له‌ى خاسه‌وبوين په‌يوه‌نديه‌يليان وه‌ل چين وه‌ ئه‌وه‌گ په‌يوه‌ندێ ناونى هه‌ردوگ وڵات هاته‌سه‌و ئه‌را بان ريڕه‌و ئاسايى خوه‌ێ.

 

شينزۆ ئابى له‌ ديمانه‌يگ وه‌ل رووژنامه‌ى سانكى له‌ تۆكيۆ ئه‌وه‌ ده‌رخست ك خوازياره‌ له‌ ئاينده‌ى نزيكيگ داوه‌ت شى جين بينگ سه‌رۆك چينى ئه‌را سه‌ردان يابان بكا، يه‌يش له‌ وه‌ختيگ بڕياره‌ شينزۆ ئابى له‌ كووتايى مانگ ته‌شرين يه‌كه‌م/ ئوكتۆبه‌ر سه‌ردان چين بكا.

 

جى باسه‌، سه‌رۆك وه‌زيره‌يل يابان ئه‌را رووژنامه‌گه‌ وت: لى كه‌ تشيانگ سه‌رۆك وه‌زيره‌يل چين سه‌ردان يابان كردگه‌و په‌يوه‌نديه‌يل ناونى هه‌ردوگ وڵات هاته‌سه‌و ئه‌را بان ريڕه‌و ئاسايى خوه‌ى وه‌ ته‌مامى.