هــــه‌واڵ كــوردى
بارزانى پابه‌ندبوين وه‌ سێ بنه‌ما وه‌ هووكار چاره‌سه‌ر كيشه‌يل ناوبرد

بارزانى پابه‌ندبوين وه‌ سێ بنه‌ما وه‌ هووكار چاره‌سه‌ر كيشه‌يل ناوبرد


شه‌فه‌ق نيوز/ مه‌سعود بارزانى له‌ ديدارى وه‌ل دۆگڵاس سڵێمان باليۆز ئه‌مريكا له‌ عراق و ستيڤ فاگين قونسوڵ گشتى ئه‌مريكا له‌ هه‌ولێر، پابه‌ندبوين لايه‌نه‌يل وه‌ سێ بنه‌ماى حوكمدارى له‌ عراق وه‌ هووكار چاره‌سه‌ركردن زوورم كيشه‌يل ناوبرد و وت: ئه‌وه‌ى وه‌لاى هه‌رێم كوردستانه‌و گرنگه‌ به‌رنامه‌ى حكومه‌تئاينده‌ى عراقه‌.

 

ماڵپه‌ڕ فه‌رمى بارزانى له‌ به‌ياننامه‌يگ وت: له‌و ديداره‌ هوير وڕا له‌باره‌ى عراق دوياى هه‌ڵوژاردن و هه‌وڵه‌يل ئه‌را پيكهاوردن حكومه‌ت اوه‌و هاوكيشه‌يل ناو عراق تاوتوێ كرياگه‌و بارزانييش جه‌خت له‌وه‌ كردگه‌ ك ئه‌وه‌گ وه‌لاى هه‌رێم كوردستانه‌و گرنگه‌ به‌رنامه‌ى حكومه‌ت ئاينده‌ى عراقه‌و پابه‌ندبوين لايه‌نه‌يله‌ وه‌ سێ بنه‌ماى هاوبه‌ش له‌ حوكمدارى و ته‌واق له‌ ياسادانان و هاوسه‌نگى له‌ دامه‌زرياگه‌يل ك ئه‌وله‌ويه‌ت سه‌ره‌كيه‌.

 

جى باسه‌، بارزانى هه‌ميش وت: له‌وه‌رچه‌وه‌گرتن ئه‌و سێ بنه‌ما ئه‌دێده‌ هووكار چاره‌سه‌ركردن زوورم كيشه‌يل و له‌ هه‌مان ديدار بارودخ سياسى عراق و ناوچه‌گه‌و پيشهاته‌يل تازه‌يش له‌بان ئاست هه‌رێمايه‌تى و ناوده‌وڵه‌تى تاوتوێ كريا.