هــــه‌واڵ عــیراق
عه‌بادى له‌ قسه‌يلى ده‌ركه‌فت تواناى جواو داواكاريه‌يل مه‌ردم نه‌يرێد

عه‌بادى له‌ قسه‌يلى ده‌ركه‌فت تواناى جواو داواكاريه‌يل مه‌ردم نه‌يرێد


شه‌فه‌ق نيوز/ حه‌يده‌ر عه‌بادى سه‌رۆك ئه‌نجومه‌ن وه‌زيره‌يل، له‌ ماناى قسه‌يلى له‌يوا ديار بوێ ك تواناى جواودانه‌وه‌ى گشت داواكاريه‌يل مه‌ردم خوه‌ينيشانده‌ر نه‌يرێد له‌ حاڵ حازر.

 

عه‌بادى له‌ كۆنگره‌ى رووژنامه‌گه‌رێ هه‌فتانه‌ى ك شه‌فه‌ق نيوز ئاگادارێ بوى، وت: جه‌خت له‌بان گرنگى مقه‌يه‌تيكردن خوه‌ينيشانده‌ره‌يل و ئاسايش ئه‌كه‌يم له‌گشت عراق و باس له‌وه‌يش كرد ك ئاسايش له‌ عراق دوياى قوربانيه‌يل فريه‌يگ وه‌ده‌سهاتگه‌و نه‌بايه‌د ده‌سوه‌ردارى بوێمن.

 

عه‌بادى وت: ئيمه‌ گرينگى ئه‌يه‌يمنه‌ داواكارى مه‌ردم خوه‌ينيشانده‌ر و رينمايى دايمنه‌ وه‌ گووره‌ى توانا له‌ حاڵ حازر جيوه‌جى ئه‌و داواكاريه‌يله‌ بكريه‌ێد و داوايش له‌ خوه‌يشنيشانده‌ره‌يل كرد هاوكارى وه‌ل حكومه‌ت بكه‌ن له‌ ده‌رخستن ئه‌و كه‌سه‌يله‌ ك هان دريانه‌ ئه‌را خراوه‌كارى و ئه‌وانه‌گ ئاسايش گشتى ئه‌گرنه‌ ئامانج.