هــــه‌واڵ كــوردى
شماره‌يگ له‌ كه‌ناڵه‌يل ره‌سانن كوردى كه‌فتنه‌ وه‌ر هه‌ڕه‌شه‌ێ به‌سانن

شماره‌يگ له‌ كه‌ناڵه‌يل ره‌سانن كوردى كه‌فتنه‌ وه‌ر هه‌ڕه‌شه‌ێ به‌سانن


شه‌فه‌ق نيوز/ وه‌رپرسيگ باڵا له‌ وزاره‌ت رووشنويرى و لاوان له‌ حكومه‌ت هه‌رێم كوردستان، وت: ئه‌و كه‌ناڵه‌يل ره‌ساننه‌ ك موڵه‌ته‌يليان تازه‌وه‌ ناكه‌ن له‌ ماوه‌ى يه‌ك هه‌فته‌ێ ئاينده‌ بايه‌سه‌ بووه‌سيه‌ن و ئاماژه‌ وه‌يه‌يش كرد ك وزاره‌ته‌گه‌ ره‌زامه‌نى ئه‌نجومه‌ن وه‌زيره‌يل هه‌رێميش وه‌رگرتگه‌ له‌بان به‌سانن ئه‌و كه‌ناڵه‌يله‌ ك موڵه‌تيان تازه‌وه‌ ناكه‌ن.‌

 

له‌ى باوه‌ته‌و، محه‌مه‌د گه‌ردى وه‌ڕيه‌وبه‌ر گشتى ره‌سانن و چاپ و بڵاوكردنه‌وه‌ له‌ وزاره‌ت رووشنهويرى و لاوان كوردستان وت: كه‌ناڵه‌يل ره‌سانن له‌ هه‌رێم وه‌گشت جووره‌يليه‌و قه‌رزارن ئه‌را حكومه‌ت وه‌ نزيكه‌ى 3 مليار دينار و ئاماده‌يش نين گريه‌به‌سه‌يل ساڵانه‌يان تازه‌وه‌ بكه‌ن و قه‌رزه‌يل وزاره‌ته‌گه‌ بيه‌ن و هه‌ر وه‌و خاتريشه‌ ڕى وشوون ياسايى دژ ئه‌و كه‌ناڵه‌يله‌ له‌وه‌ر ئه‌گريه‌ێد.

 

كه‌ناڵه‌يل ره‌سانن له‌ هه‌رێم چ ئێزگه‌يى يا ئاسمانى يا محه‌ته‌يى ناوچه‌يى، ك ئه‌گه‌ر موڵه‌ته‌يليان تا رووژ 20 له‌ى مانگ كانون دويه‌مه‌ تازه‌وه‌ نه‌كه‌ن و ئه‌و بڕه‌ پويله‌يله‌ ك ها بانيان نه‌يه‌نه‌ێ ئه‌وه‌ له‌ى حاڵه‌ته‌ ئه‌وه‌سيه‌ن.

 

جى باسه‌، سه‌رچه‌وه‌يل له‌ وزاره‌ته‌گه‌ ئاماژه‌ وه ئه‌وه‌ ئه‌كه‌ن ك 270 كه‌ناڵ ره‌سانن دوينرياگ و ژنه‌فياگ وجوود ديرن ك 34 له‌ليان ئاسمانيه‌و 93 كه‌ناڵيش ناوچه‌ييه‌ ناوخوه‌ييه‌ وه‌ل 143 ئێزگه‌.