هــــه‌واڵ كــوردى
شاند خاسسازى دو داواكارى پيشكه‌ش كرده‌ مه‌سعود بارزانى

شاند خاسسازى دو داواكارى پيشكه‌ش كرده‌ مه‌سعود بارزانى


شه‌فه‌ق نيوز/ شاند بنياتنانه‌وه‌و خاسسازى ك سه‌ردان هه‌ولێر كردگه‌، داوا له‌ پارت ديموكرات كوردستان كرد وه‌ هيزه‌و به‌شدارى له‌ حكومه‌ت ئاينده‌ى عادل عه‌بدولمهدى بكا.

 

فازڵ ميرانى سكرتێر مه‌كته‌ب سياسى پارت ديموكرات كوردستان، وت: شاند خاسسازى جه‌خت له‌بان به‌شدارى وه‌هيز پارت ديموكرات كردگه‌ له‌ حكومه‌ت ئاينده‌ ك عادل عه‌بدولمهدى راسپارياگه‌ ئه‌را دامه‌زراننى و په‌يوه‌ندى وه‌ل سه‌ركردايه‌تيه‌يل كورد ديرێد.

 

ميرانى وت: شاند به‌غدا باس له‌ ريككه‌فتن له‌بان به‌رنامه‌يگيش هاوبه‌ش كردگه‌ وه‌ل پارتى ك تايبه‌ته‌ وه‌ پشتگيرى عه‌بدولمهدى له‌ ئه‌رك دامه‌زرانن حكومه‌ت.

 

جى باسه‌، ميرانى هه‌ميش وت: پارت ديموكرات كوردستان ئاگادار شانده‌گه‌ كردگه‌ ك به‌رنامه‌ى خوه‌ى پيشكه‌ش وه‌ عه‌بدولمهدى كردگه‌ له‌باره‌ى دامه‌زرانن حكومه‌ت و ميكانيزم حوكم هاوبه‌شى.