هــــه‌واڵ كــوردى
مه‌سعود بارزانى پيشنيار و رينمايى ئه‌را مقه‌يه‌تى ملله‌ت كورد له‌ سوريا خسه‌ته‌ڕوێ

مه‌سعود بارزانى پيشنيار و رينمايى ئه‌را مقه‌يه‌تى ملله‌ت كورد له‌ سوريا خسه‌ته‌ڕوێ


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان،  رينمايى خسته‌ڕوێ ئه‌را شاند كورد سوريا له‌وه‌ر زه‌مانه‌ت مقه‌تيكردن ملله‌ت كورد له‌و وڵاته‌ دوياى روێداگه‌يل ئى دوياخره‌ له‌ سوريا.

 

له‌ به‌ياننامه‌يگ ك له‌بان ماڵپه‌ڕ بارزانى بڵاو كرياو شه‌فه‌ق نيوز ئاگادارى بوێ، بارزانى پيشوازى كرد له‌ شانديگ سه‌ركردايه‌تى ئه‌نجومه‌ن نيشتمانى كورد له‌ سوريا و بارودوخ ملله‌ت له‌و وڵاته‌ وه‌ليانا باسكرد و رينمايى وه‌پيان پيشكه‌ش كرد ئه‌را مقه‌يه‌تيكردن ملله‌ت كورد له‌ سوريا.

 

به‌ياننامه‌گه‌ باس له‌وه‌ كرد له‌و ديداره‌ باس له‌ بارودوخ سياسى و دويا روێداگه‌يل له‌ مه‌يدان سوورى و ئاڵشتكردن هاوكيشه‌يل مه‌يدانيى سوورى كرياگه‌و شاند ميوانيش كورته‌يگ له‌باره‌ى بارودوخ كورد له‌ سوريا پيشكه‌ش وه‌ بارزانى كردنه‌ وه‌ل نيگه‌رانى وه‌رانوه‌ر ئاينده‌ى كورد له‌و وڵاته‌.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ك بارزانى له‌و ديداره‌ پيشنيار و رينمايى له‌باره‌ى چوێنێتى مامڵه‌كردن وه‌ل روێداگه‌يل تازه‌و مقه‌يه‌تى له‌ ملله‌ت كورد له‌ سوريا پيشكه‌ش وه‌ شاند ميوان كردگه‌.