هــــه‌واڵ جیــهانى
راپۆرتيگ فره‌نسى شوون خوه‌ى شاردنه‌وه‌ى به‌غدادى ئاشكرا كرد

راپۆرتيگ فره‌نسى شوون خوه‌ى شاردنه‌وه‌ى به‌غدادى ئاشكرا كرد


شه‌فه‌ق نيوز/ ئاژانس رووژنامه‌ى فره‌نسى له‌ راپۆرتيگى له‌ به‌غداوه‌، ئاماژه‌ وه‌ ئه‌وه‌ كرد ك ئه‌بو به‌كر به‌غدادى سه‌ركرده‌ى ريكخرياگ داعش ك ناوى له‌ناو ليست داواكرياگه‌يل له‌ يه‌كه‌م ناو هاتگه‌ له‌ جه‌هان، خواستگه‌ ده‌وڵه‌تيگ دامه‌زرنێد ئه‌وه‌نه‌ى روێوه‌ر بريتانيا، وه‌لێ ئمڕوو خوه‌ى له‌ناو ئه‌شكه‌فته‌يل بياوان سوريا شارده‌سه‌و.

 

ئاژانسه‌ فره‌نسيه‌گه‌ وت: به‌غدادى ك لايه‌نگره‌يلى وه‌ شه‌به‌ح ناوى ئه‌وه‌ن، زويتر له‌ په‌لاماره‌يل ئاسمانى قورتارێ بويه‌و ناڵنێد وه‌ده‌س نه‌خوه‌شى شه‌كه‌ر و ئيسه‌يش له‌لايه‌ن سێ كه‌سه‌و پاسه‌وانى ئه‌كريه‌ێد ك پيكهاتنه‌ له‌ برايگى وه‌ناو جومعه‌و شوفێره‌گه‌ى وه‌ناو عه‌بدوله‌تيف جبورى و هه‌واڵبه‌ره‌گه‌ى وه‌ناو سعود كه‌ردى.

 

ئاژانسه‌ باس له‌وه‌يش كرد گشت ئه‌واننه‌ پيشبينى ئه‌كريه‌ێد له‌ناوچه‌ى باديه‌ى شام له‌ بياوان سوريا له‌ نزيك مه‌رزه‌يل عراقى ژيه‌ن، يه‌يش له‌وه‌ختيگ ده‌ركه‌فتن به‌غدادى وه‌ ئاشكرا ئه‌وه‌ بوێ له‌ 2014 له‌وه‌خت نماز له‌ مزگفت نورى له‌ خوه‌رئاواى موسڵ، ئه‌ويش دوياى ئاشكراكردن ده‌وڵه‌ت وه‌ناو ريكخريايه‌گه‌ێ.