هــــه‌واڵ كــوردى
يه‌ك مليۆن حه‌پ بيهووشكه‌ر له‌ شاريگ سلێمانى كۆنترۆڵ كريا

يه‌ك مليۆن حه‌پ بيهووشكه‌ر له‌ شاريگ سلێمانى كۆنترۆڵ كريا


شه‌فه‌ق نيوز/ وه‌ڕيه‌وبه‌رايه‌تى ئاسايش شاره‌زوور له‌ پاريزگاى سلێمانى له‌ هه‌رێم كوردستان، ئاشكراى ئه‌وه‌ كرد ك هيزه‌يلێ وه‌ گووره‌ى مادده‌ى 14ى تايبه‌ت وه‌ مادده‌يل بيهووشكه‌ر دو تومه‌تبار ده‌سگير كردنه‌و نزيكه‌ى يه‌ك مليۆن حه‌پ ترامادۆل بيهووشكه‌ر كۆنترۆڵ كردنه‌.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ ك(شه‌فه‌ق نيوز)ئاگادارى بوى، وت: له‌ 11ى ئى مانگه‌ ئه‌و كرده‌وه‌ ئه‌نجام دياگه‌و هيزه‌يل ئاسايش له‌ قه‌زاى سه‌ى سايه‌ق 9 هه‌زار و 597 پاكه‌ت له‌ حپ ترامادۆل گرتنه‌ ك 959 هه‌زار و 700 حه‌پ بيهووشكه‌ر بويه‌ له‌ناو سه‌ياره‌يگ نيسان پاترۆڵ.

 

جى باسه‌، به‌ياننامه‌گه‌ هه‌ميش وت: فه‌رمان گرتن ئه‌و هه‌ردوگ تومه‌تباريشه‌ وه‌ناوه‌يل(د.ن.ع) و(س.ع.ر)له‌لايه‌ن دادوه‌ر په‌يجوريه‌و له‌ ئاسايش شاره‌زووره‌و ده‌رچيه‌ وه‌ گووره‌ى مادده‌ى 14ى تايبه‌ت وه‌ مادده‌يل بيهووشكه‌ر و هيمان تائيسه‌يش په‌يجورى وه‌رده‌وامه‌ى له‌ى باوه‌ته‌و.