هــــه‌واڵ كــوردى
ئاسايش هه‌ولێر بكوش وه‌رپرسيگ باڵاى كۆمسيۆن ده‌سگير كرد

ئاسايش هه‌ولێر بكوش وه‌رپرسيگ باڵاى كۆمسيۆن ده‌سگير كرد


شه‌فه‌ق نيوز/ وه‌ڕيه‌وبه‌رايه‌تى ئاسايش هه‌ولێر، ئاشكراى ده‌سگيركردن يه‌كيگ له‌ بكوشه‌يل وه‌ڕيه‌وبه‌ر گشتى له‌ كۆمسيۆن هه‌ڵوژاردنه‌يل و راپرسى له‌ هه‌رێم كوردستان كرد و يه‌يش ده‌رخست ك ته‌سليميشى وه‌ پۆليس كردگه‌.

 

تاريق نورى وه‌ڕيه‌وبه‌ر ئاسايش هه‌ولێر، وت: دوياى چه‌وديريكردنيگ پڕ دقه‌ت و پلانيگ توكمه‌، هيزه‌يل ئاسايش تويه‌نستنه‌ له‌ يه‌كيگ له‌ شوونه‌يل هه‌ولێر پايته‌خت ده‌سگير بكوشه‌گه‌ى فارس محه‌مه‌د سادق وه‌ڕيه‌وبه‌ر گشتى وه‌رين كۆمسيۆن هه‌ڵوژاردنه‌يل و راپرسى له‌ هه‌رێم بكا.

 

نورى هه‌ميش وت: ئه‌و تومه‌تبار ده‌سگيركرياگه‌ ناسرياگه‌ وه‌ (فاروق غازى باشتبێى)وه‌ل باوگى و دوياى په‌يجوورييش ته‌سليم وه‌ پۆليس كرياگه‌.