هــــه‌واڵ عــیراق
له‌ يه‌كيگ له‌ ماڵه‌يل سه‌دام دوينرياوه‌و سێ مليۆن دۆلار ئه‌راێ خه‌رج كريا

له‌ يه‌كيگ له‌ ماڵه‌يل سه‌دام دوينرياوه‌و سێ مليۆن دۆلار ئه‌راێ خه‌رج كريا


شه‌فه‌ق نيوز/ ئاژانسيگ تايبه‌ت وه‌ هه‌واڵه‌يل يه‌هودى ئاشكراى وجوود هه‌وڵيگ ئه‌مريكى كرد ئه‌را هيشتنه‌وه‌و مقه‌يه‌تيكردن له‌ ئه‌رشيف يه‌هودى عراقى.

 

ئاژانس "JTA" ك گرينگى ئه‌ياده‌ هه‌واڵه‌يل يه‌هودى، وت: ئه‌رشيف يه‌هودى عراقى كتاوه‌يليگ پيرووز و چه‌نه‌ها كتاوه‌يل تر ده‌گمه‌ن له‌خوه‌ێ گرتگه‌، يه‌يش له‌ وه‌ختيگ ئه‌و ئه‌رشيفه‌ له‌ 2003 دواى داگيركردن عراق له‌ى دوياخره‌ جيواز كريا ئه‌را وڵاته‌يل يه‌كگرتگ و دى وه‌گووره‌ى ريككه‌فتن ناونى هه‌ردوگ وڵات، واشنتۆن پابه‌نده‌ وه‌ هاوردنه‌وه‌ى ئه‌و ئه‌رشيف يه‌هدوى عراقيه‌ ئه‌را به‌غدا و ئى هه‌وڵيشه‌ وه‌رده‌وامه‌ له‌لايه‌ن ئه‌مريكاوه‌ ئه‌را مقه‌يه‌تيكردن و قورتاركردن ئه‌و ئه‌رشيفه‌.

 

جى باسه‌، ماڵپه‌ڕه‌گه‌ زويتريش باس له‌وه‌يش كرد ك توێژه‌ره‌يل ئه‌مريكى و مێوونويسه‌يل ده‌سكردنه‌سه‌ په‌يجوورى له‌و مادده‌يله‌ وه‌ دريژايى 15 ساڵ و جيوازى كردنه‌ ئه‌را چاپه‌يل شماره‌يى و يه‌يش ده‌ركه‌فت ئه‌و ئه‌رشيفه‌ پڕه‌ له‌ زانياريه‌يل گرنگ له‌بان په‌نابه‌ره‌يل يه‌هودى له‌ عراق وه‌ دريژايى مێژوو و ئى ئه‌رشيفيشه‌ له‌ناو يه‌كيگ له‌ ماڵه‌يل سه‌دام حسێن سه‌رۆك وه‌رين عراقى دوينرياسه‌وه‌و هه‌وه‌جه‌ وه‌ خاسه‌وكردن داشتگه‌و ئداره‌ى ئه‌مريكييش ناچار بويه‌ سێ مليۆن دۆلار بيه‌ێد ئه‌را خاسه‌وكردنى.