هــــه‌واڵ عــیراق
مير قه‌ته‌ر بڕياره‌يليگ ده‌ركرد سێ دوڵه‌ت عه‌ره‌بى ئه‌گرێده‌و له‌وانه‌يش عراق

مير قه‌ته‌ر بڕياره‌يليگ ده‌ركرد سێ دوڵه‌ت عه‌ره‌بى ئه‌گرێده‌و له‌وانه‌يش عراق


شه‌فه‌ق نيوز/ تميم بن حه‌مه‌د ئال سانى مير قه‌ته‌ر، چه‌ن بڕياريگ ده‌ركرد له‌ چوارچێوه‌ى په‌يوه‌نديه‌يل وه‌رده‌وام وه‌ل شماره‌يگ له‌ ده‌وڵه‌ته‌يل.

 

ئه‌و بڕياره‌يله‌ به‌ڵگه‌ى په‌سه‌نكردن وه‌ ره‌زامه‌نى له‌بان پرووژه‌ ريككه‌فتن خزمه‌تگوزاريه‌يل ئاسمانى ناونى قه‌ته‌ر و سوماڵ گرته‌ خوه‌ى ك له‌شار دۆحه‌ ئمزا كرياگه‌ له‌ مانگ ئادار 2015و ره‌زامه‌نييش ده‌رخستگه‌ له‌بان پرووژه‌ى ياداشت له‌يه‌كڕه‌سينه‌وه‌ى هاوكارى له‌ بوار ته‌ندروسى وه‌ل هه‌مان ده‌وڵه‌ت.

 

له‌ى باوه‌ته‌و، رووژنامه‌ى رايه‌ى قه‌ته‌رى وت: قه‌ته‌ر مه‌سه‌له‌ى ياداشت له‌يه‌كڕه‌سينه‌وه‌ى هاوكارييش له‌ بوار ره‌سانن ئمزا كردگه‌ له‌ناونى ده‌زگاى قه‌ته‌رى ئه‌را ره‌سانن له‌ قه‌ته‌ر و تووڕ ره‌سانن عراقى له‌ كۆمار عراق و ره‌زامه‌نييش ده‌رخستگه‌ له‌بان پرووژه‌ ريككه‌فتن خزمه‌تگوزاريه‌يل ئاسمانى ناونى قه‌ته‌ر و هۆڵه‌نداو ياداشتيگيش په‌سه‌ن كردگه‌ له‌ بوار نيشته‌جيكردن له‌ناونى قه‌ته‌ر و حكومه‌ت شانشين مه‌غربى ك ئه‌ويش له‌ ربات له‌ساڵ 2018 ئمزا كرياس.