هــــه‌واڵ عــیراق
ماراسۆن فراكسيۆن گه‌ورا ركابه‌رى ناونى دو كه‌سايه‌تى ده‌رخست

ماراسۆن فراكسيۆن گه‌ورا ركابه‌رى ناونى دو كه‌سايه‌تى ده‌رخست


شه‌فه‌ق نيوز/ سه‌رچه‌وه‌يگ ئاگادار عراقى جه‌خت له‌وه‌ كرد  له‌ى نزيكه‌ى ماراسۆنيگ هه‌س له‌بان دامه‌زرانن فراكسيۆن گه‌ورا له‌ عراق و ركابه‌رى ئيسه‌يش ئه‌را پۆست سه‌رۆك حكومه‌ت عراقى ئاينده‌ ئه‌كه‌فێده‌ ناونى تارق نه‌جم سه‌ركرده‌ى باڵا له‌ حزب ده‌عوه‌و فالح فه‌ياز راوێژكار ئاسايش نيشتمانى، ئه‌ويش دوياى داوه‌زين به‌خته‌يل حه‌يده‌ر عه‌بادى سه‌رۆك وه‌زيره‌يل و هادى عامرى سه‌كرده‌ى هاوپه‌يمانى فه‌تح.

 

ئه‌و سه‌رچه‌وه‌ ئه‌را شه‌رقولئه‌وسه‌ت ك شه‌فه‌ق نيوز ئاگادارى بوى وت: له‌وه‌ختيگ ك نه‌جم كانديديگ قه‌بولكرياگ ئه‌دێ له‌چه‌ن لايه‌نيگه‌وه‌و له‌وانه‌يش له‌لايه‌ن قاسم سولێمانى، فه‌يازيش دو ميزه‌ ديرێد، يه‌كه‌ميان ئه‌وه‌سه‌ له‌لاى ئيران و ئه‌مريكايش قه‌بولكرياگه‌، وه‌لێ نه‌جم به‌خت فيشتر نه‌يرێد له‌لاى ئه‌مريكيه‌يل.

 

سه‌رچه‌وه‌گه‌ هه‌ميش وت: مه‌جه‌ع ئايينى له‌ نه‌جه‌ف هه‌ڵويست ئيجابى ديريد له‌ تارق نه‌جم ديرێد ك وه‌رده‌وام په‌يوه‌ندى ديرێد وه‌ل مه‌رجه‌عيه‌، وه‌لێ روێوه‌ر جموجويل فه‌ياز وه‌ره‌و لاى مه‌رجه‌عيه‌ت دياريكرياگه‌و يه‌يش فريه‌ گرنگه‌ ئه‌را يه‌كلاكردنه‌وه‌ى مه‌سه‌له‌گه‌.