هــــه‌واڵ عــیراق
كۆمسيۆن له‌باره‌ى ئاكامه‌يل شماردنه‌وه‌ى ده‌نگه‌يل ئاشكراكردنيگ دا

كۆمسيۆن له‌باره‌ى ئاكامه‌يل شماردنه‌وه‌ى ده‌نگه‌يل ئاشكراكردنيگ دا


شه‌فه‌ق نيوز/ له‌يس جه‌بر قسه‌كه‌ر فه‌رمى وه‌ناو كۆمسيۆن باڵاى هه‌ڵوژاردنه‌يل وت: كۆمسيۆنه‌گه‌ هويچ ئاكاميگ جياكردنه‌وه‌و شماردنه‌وه‌ى ده‌سى ده‌نگه‌يل ئاشكرا نه‌كردگه‌ ك ئه‌نجام دريانه‌ له‌ پاريزگايه‌يل.

 

جه‌بر له‌ به‌ياننامه‌يگ ئه‌را شه‌فه‌ق نيوز وت: ئه‌وه‌گ هووكاره‌يل په‌يوه‌ندى كۆمه‌ڵايه‌تى بڵاويه‌و كردنه‌ له‌باره‌ى ئاكامه‌يل پرووسه‌ى جياكردن و شماردنه‌وه‌ى ده‌نگه‌يل دروس نيه‌.

 

قسه‌كه‌ر كۆمسيۆن هه‌ميش وت: كۆمسيۆن باڵا هه‌ڵوژاردنه‌يل هويچ ئاكاميگ شماردنه‌وه‌ى ده‌سى ده‌نگه‌يل له‌باره‌ى ئه‌و سه‌ندوقه‌يله‌ ك تانه‌ له‌بانيان بويه‌ له‌ كه‌ركوك، سلێمانى، هه‌ولێر، دهۆك، سه‌ڵاحه‌دين، نه‌ينه‌وا، ئه‌نبار، واست، ديوانيه‌، موسه‌نا، زيقار، ميسان، به‌سره‌ ئاشكرا نه‌كردگه‌.