هــــه‌واڵ عــیراق
هيزيگ عراقى چه‌كداره‌يل داعش ناچار كرد خوه‌يان بته‌قننه‌و له‌ كه‌ركوك

هيزيگ عراقى چه‌كداره‌يل داعش ناچار كرد خوه‌يان بته‌قننه‌و له‌ كه‌ركوك


شه‌فه‌ق نيوز/ خوه‌يكوشه‌يليگ سه‌ر وه‌ ريكخرياگ تيرۆريستى داعش خوه‌يان ته‌قاننه‌و له‌ كرده‌وه‌يگ ئاسايشى ك له‌لايه‌ن هيزه‌يل ئه‌منى عراقيه‌و ئه‌نجام دريا له‌ پاريزگاى كه‌ركوك.

 

له‌ى باوه‌ته‌و، سه‌رچه‌وه‌يگ ئه‌منى ئه‌را شه‌فه‌ق نيوز وت: هيزيگ له‌ پۆليس ناوه‌ندى وه‌ پشتگيرى حه‌شد عه‌شايرى 8 چه‌كدار له‌ ريكخرياگ داعش گه‌مارۆ دانه‌ ك شاڵ مينڕيژكرياێ به‌ساوينه‌ خوه‌يانه‌و له‌ كرده‌وه‌يگ وشكانن له‌ ئاوايى حه‌مدانيه‌و ئه‌حنه‌ف سه‌ر وه‌ ناحيه‌ى عه‌باسى له‌ كه‌ركوك.

 

سه‌رچه‌وه‌گه‌ هه‌ميش وت: ئه‌و خوه‌يكوشه‌يله‌ ناچار بوينه‌و خوه‌يان ته‌قاننه‌سه‌و وه‌رجه‌ ئه‌وه‌گ جه‌نگ وه‌ل هيزه‌يل ئاسايشى بكه‌ن.