هــــه‌واڵ عــیراق
ئئتلاف ياسا له‌باره‌ى باجه‌يل عبادى خسته‌ دروو

ئئتلاف ياسا له‌باره‌ى باجه‌يل عبادى خسته‌ دروو


شه‌فه‌ق نيوز/ محه‌مه‌د سه‌عدون ئه‌لسه‌يهود سه‌ركرده‌ له‌ ئئتلاف ياسا، مه‌سه‌له‌ێ زيايكردن باجه‌يل له‌بان كارمه‌نده‌يل له‌لايه‌ن ئه‌نجومه‌ن نوێنه‌ره‌يله‌و خسته‌ دروو و ئاماژه‌ وه‌يه‌يش كرد ك لێدوانه‌يل حه‌يده‌ر عبادى له‌ى باوه‌ته‌و دويره‌ له‌ڕاسى.

 

ئه‌لسه‌يهود له‌ به‌ياننامه‌يگ ئه‌را شه‌فه‌ق نيوز وت: لێدوانه‌يل حه‌يده‌ر عبادى له‌باوه‌ت زيايكردن باجه‌يل له‌بان كارمه‌نده‌يل له‌لايه‌ن په‌رله‌مانه‌و دويره‌ له‌ڕاسى و په‌رله‌مانيش زيايه‌ ناخاده‌ بان بودجه‌، به‌ڵكوو له‌ حكومه‌ته‌و ئه‌ياد.

 

جى باسه‌، ئه‌لسه‌يهود هه‌ميش وت: حكومه‌ت خوه‌ێ مووچه‌ى كارمه‌نده‌يل كه‌مه‌و كرد و باجه‌يليش چه‌سپان و په‌رله‌مان ئه‌و بڕياره‌يله‌ له‌ ده‌سڵاتى نيه‌و هه‌ر حكومه‌تيش خه‌سخه‌سه‌ێ كاربايش گرته‌ خوه‌ى نه‌ك په‌رله‌مان.