هــــه‌واڵ عــیراق
حكومه‌ت عراقى: مه‌ترسى 3 چشت ديرێم له‌ خوه‌ينيشانداينه‌يل

حكومه‌ت عراقى: مه‌ترسى 3 چشت ديرێم له‌ خوه‌ينيشانداينه‌يل


شه‌فه‌ق نيوز/ حكومه‌ت عراقى باس له‌وه‌ كرد ك مه‌ترسى ئه‌وه‌ ديرێد ئى خوه‌ينيشانداينه‌يله‌ له‌ باشوور عراق ئه‌را وه‌ئامانجگرتن به‌رژه‌وه‌ندێ هاووڵاتيه‌يل و ده‌زگايه‌يل ده‌وڵه‌ت باريه‌ێده‌ كار.

 

سعه‌د حه‌ديسى قسه‌كه‌ر وه‌ناو حكومه‌ت له‌ لێدوانيگ ته‌له‌فزيۆنى ك شه‌فه‌ق نيوز ئاگادارى بوى، وت: وه‌گووره‌ى چه‌وديريكردن ئه‌وه‌ ده‌ركه‌فێد ئى خوه‌ينيشانداينه‌يله‌ ئاسته‌يلى كه‌متره‌و بويه‌ وه‌ به‌راورد وه‌ل رووژه‌يل گوزه‌يشته‌و وه‌ڵامدانه‌وه‌ى خاس له‌لايه‌ن بڕيگ له‌ خوه‌ينيشانده‌ره‌يل ئاشتيه‌وه‌ ده‌ركه‌فێد، وه‌لێ ترس له‌وه‌ ديريم كاره‌گه‌ گرژه‌و بكريه‌ێد له‌ڕێ په‌يابوين ئاشووگه‌رى و زه‌ره‌د ره‌سانن وه‌ ده‌وڵه‌ت و ترس له‌وه‌يش هه‌س ئى خوه‌ينيشانداينه‌يله‌ له‌لايه‌ن تيرۆره‌و نه‌ف له‌لى وه‌ربگيريه‌ێد و كرده‌وه‌ى تيرۆريستى تيرۆريستى ئه‌نجام بدريه‌ێد و ترسيش له‌وه‌ هه‌س بڕيگ هاندرياگه‌يل يا خراوه‌كاره‌يل له‌وانه‌گ ده‌سيان ها وه‌ل چه‌ته‌يل تاوانكار يا سه‌ر وه‌ مافيايه‌يل گه‌ناته‌كارن ئى خوه‌ينيشانداينه‌يله‌ وه‌كار بارن و ترس ئه‌وه‌يش ديريم ده‌زگايه‌يل ده‌وڵه‌ت و كاره‌يل وه‌به‌رهاوردن په‌كبخريه‌ێد و زه‌ره‌د بڕه‌سيه‌ێده‌ به‌رژوه‌ندى هاووڵاتيه‌يل و ده‌وڵه‌ت.

 

حه‌ديسى هه‌ميش وت: بڕيگ له‌و قه‌وڵه‌يله‌‌ ك حه‌يده‌ر عه‌بادى سه‌رۆك وه‌زيره‌يل داسه‌ى وه‌ كرده‌وه‌ جيوه‌جى كريانه‌ له‌وانه‌گ خوه‌ينيشانده‌ره‌يل داواى كردنه‌.