هــــه‌واڵ عــیراق
ئيران كاره‌با ئه‌ياده‌ عراق و وه‌رده‌وامبوينى په‌يوه‌س ئه‌كاده‌ مه‌سه‌له‌يگ

ئيران كاره‌با ئه‌ياده‌ عراق و وه‌رده‌وامبوينى په‌يوه‌س ئه‌كاده‌ مه‌سه‌له‌يگ


شه‌فه‌ق نيوز/ قسه‌كه‌ر وه‌ناو كومپانياى توانير ئيرانى ئه‌را به‌رهه‌مهاوردن و جيوازكردن و دابه‌شكردن وزه‌ى كاره‌با، ئاشكراى ئه‌وه‌ كرد هه‌ناده‌ى كاره‌با ئه‌را ئه‌فغانستان و پاكستان و عراق ره‌سيه‌سه‌ نزيكه‌ى 1400 مێگاوات وه‌ل وه‌كارخستن ئى قه‌واره‌ له‌ چه‌ن رووژيگ ئاينده‌.

 

مه‌حمود ره‌زا حه‌قى فام له‌ لێدوانيگ ئه‌را ميديايه‌يل ئيرانى وت: مه‌سه‌له‌ى هه‌نارده‌كردن كاره‌با وه‌رده‌وام ئه‌دێ مادام هه‌وه‌جه‌يل ناوچه‌يى دابين ئه‌كريه‌ێد.

 

حه‌قى فام هه‌ميش وت: بڕياره‌ نزيكه‌ى 5 هه‌زار ميگاوات بدريه‌ێده‌ تووڕ گشتى ئه‌را وڵاته‌گه‌ له‌ به‌رهه‌م ويستگه‌يل كه‌هرۆحه‌رارى تازه‌ تا نيمه‌ى يۆنيۆ/ حزه‌يران 2019. يه‌يش له‌ وه‌ختيگ ك عراق نزيكه‌ى 1000 ميگاوات له‌ ئيران ئه‌سينێد له‌ڕێ دو خه‌ت له‌ دياله‌و خه‌تيگ له‌ به‌سره‌و خه‌تيگيش له‌ عوماره‌ له‌باشوور وڵاته‌گه‌.