هــــه‌واڵ كــوردى
ئاواييگ فه‌يلى ئقراريگ له‌ناونى خوه‌يان و جه‌ژنيگ نيشتمانى ديارى كردن

ئاواييگ فه‌يلى ئقراريگ له‌ناونى خوه‌يان و جه‌ژنيگ نيشتمانى ديارى كردن


شه‌فه‌ق نيوز/ مه‌ردم ئاوايى حه‌يده‌ر ئاباد گه‌شتيارێ له‌ پاريزگاى ئيلام فه‌يلى، ريككه‌فتن له‌بان بڕيگ كاره‌يل ك ئه‌نجاميان ئه‌يه‌ن له‌ چوارچێوه‌ى بڕيار شه‌ره‌ف ك له‌لايه‌ن ده‌مچه‌رمگه‌يل ئاوايه‌گه‌و ئمزا كريا.

 

له‌ خاڵه‌يل ئه‌و ريككه‌فتنه‌ ك شه‌فه‌ق نيوز ئاگادارى بوێ، ئه‌وه‌سه‌ ك مه‌ردم ئاوايه‌گه‌ مقه‌يه‌تى له‌ ژينگه‌ى شوونه‌گه‌يان بكه‌ن و مقه‌يه‌تى بوون له‌ هه‌ر كاره‌يليگ كاريگه‌رى له‌بانى داشتوود و رووژيگيش له‌ ساڵ ديارێ بكه‌ن ئه‌را گرده‌وبوين مه‌ردمه‌گه‌ له‌گشت شوونيگ.

 

ئه‌و ريككه‌فتنه‌ دامه‌زرانن سه‌ندووقيگيش ئه‌را گرده‌وكردن ده‌سميه‌تيش ئه‌را هه‌وه‌جه‌داره‌يل له‌ خه‌ڵك ئاوايه‌گه‌ ئه‌گرێده‌ خوه‌ێ وه‌خاتر ئه‌وه‌گ روێ له‌ بانكه‌يل نه‌كه‌ن يا داواى قه‌رز له‌ كه‌س نه‌كه‌ن و خاليگيش له‌باره‌ى ئه‌وه‌ گرته‌ خوه‌ى ك كيشه‌يليان له‌ناونى خوه‌يان چاره‌سه‌ر بكه‌ن وه‌بى رويكردن له‌ لايه‌نيگ تر.