هــــه‌واڵ عــیراق
عه‌له‌وى له‌باره‌ى ياساى ره‌گه‌زنامه‌ تومه‌تبار ده‌سڵاته‌يل ئه‌كا

عه‌له‌وى له‌باره‌ى ياساى ره‌گه‌زنامه‌ تومه‌تبار ده‌سڵاته‌يل ئه‌كا


شه‌فه‌ق نيوز/ حه‌سه‌ن عه‌له‌وى سياسه‌تمه‌دار سه‌رده‌م، تومه‌تبار ده‌سڵاته‌يل عراقى كرد وه‌ ئه‌وه‌گ هه‌وڵ ئه‌يه‌ن ياسايگ ده‌ربكه‌ن ئه‌را داين ره‌گه‌زنامه‌ وه‌ زياره‌تچيه‌يل بيگانه‌ ك زياره‌ت مه‌زارگه‌يل پيرووز ئه‌كه‌ن له‌ حاڵه‌تيگ يه‌ك ساڵ له‌ وڵاته‌گه‌ بميننه‌و، ك ئى حاڵه‌تيشه‌ هاوشيوه‌ى كرده‌ كرده‌وه‌گه‌ى سه‌دام حسێن سه‌رۆك وه‌رين هه‌ناى ك ره‌گه‌زنامه‌ دا عه‌ره‌به‌يل فلستينى وه‌ ئامانج زيايكردن ريژه‌ى شماره‌ى سنيه‌يل له‌بان هساو شيعه‌ى عراق.

 

عه‌له‌وى له‌ تۆماريگ ده‌نگێ وت: هه‌ركه‌سيگ پشتگيرى و ره‌زامه‌نى له‌بان ئى ياساى ره‌گه‌زنامه‌ى عراقيه‌ نيشاندا عراقى نيه‌و وه‌كرايه‌گيرياێ و رشبه‌تخوه‌ره‌و باس له‌وه‌يش كرد و پرسى: له‌ كام وڵاتيگ له‌ جه‌هان له‌ماوه‌ى ساڵيگ ره‌گه‌زنامه‌ ئه‌دريه‌ێده‌ بيانه‌؟

 

جى باسه‌، عه‌له‌وى يه‌يش ده‌رخست ك ئامانج له‌ى ياسا ئه‌وه‌سه‌ ره‌گه‌زنامه‌ بدريه‌ێده‌ زياره‌تچيه‌يل ك زياره‌ت مه‌زارگه‌يل پيرووز ئه‌كه‌ن و وت: وه‌ى ياسا و له‌ماوه‌ى دوساڵ به‌غدا پڕ ئه‌دێ له‌ 3 - 4 مليۆن بيگانه‌و وشه‌ى(خودا)له‌جياى(الله)وه‌كار ئه‌يه‌رن، ئه‌ويش له‌ ئاماژه‌يگ ئه‌را ئيرانيه‌يل.