هــــه‌واڵ كــوردى
42هه‌زار كارمه‌ند ئه‌كريه‌نه‌ گرێبه‌س له‌ كۆمسيۆن كوردستان

  42هه‌زار كارمه‌ند ئه‌كريه‌نه‌ گرێبه‌س له‌ كۆمسيۆن كوردستان


شه‌فه‌ق نيوز/ بڕياره‌ كۆمسيۆن هه‌ڵوژاردنه‌يل و راپرسى له‌ هه‌رێم كوردستان گرێبه‌س 42 هه‌زار كارمه‌ند له‌ سوو دوشه‌ممه‌وه‌ رێكبخه‌ێد، ئه‌ويش دوياى ئه‌وه‌ له‌ 5 ئه‌يلول ئى مانگه‌ ده‌سكرده‌ ئاشكراكردن ئاكامه‌يل تيروپشك له‌ناونى هه‌زاران كه‌س كارمه‌ند.

 

له‌ى باوه‌ته‌و، ئسماعيل خورماڵى بڕيارده‌ر ليژنه‌گه‌ له‌ لێدوانيگ رووژنامه‌نويسى وت: له‌ سوو دوشه‌ممه‌وه‌ كارمه‌نده‌يل گرێبه‌س له‌ رووژ ده‌نگداين له‌ هه‌ڵوژاردنه‌يل ئاينده‌ى په‌رله‌مان كوردستان ئه‌تويه‌نن سه‌ردان ده‌زگاى پاريزگايه‌يل بكه‌ن له‌ كۆمسيۆن وه‌خاتر ريكخستن گرێبه‌س وه‌ليانا.

 

خورماڵى هه‌ميش وت: ئى كاره‌ وه‌شيوه‌يگ ئه‌لكترۆنى كرياگه‌و هويچ ناويگ وه‌ده‌س وه‌ناو ليست ئه‌و كه‌سه‌يله‌ نه‌خرياگه‌ ك سه‌رپه‌رشى سه‌ندووقه‌يل ده‌نگداين ئه‌كه‌ن و له‌ هه‌مان وه‌خت جه‌ختيش له‌بان خواست پابه‌ندبوين وه‌ رينمايه‌يل كۆمسيۆن كرد ك بڵاوى ئه‌كا له‌ى باره‌وه‌ له‌گشت هووكاره‌يل ره‌سانن.