هــــه‌واڵ عــیراق
راپۆرتيگ ناونه‌ته‌وه‌يى شماره‌ى داعش له‌ جه‌هان و عراق ده‌رخست

راپۆرتيگ ناونه‌ته‌وه‌يى شماره‌ى داعش له‌ جه‌هان و عراق ده‌رخست


شه‌فه‌ق نيوز/ راپۆرتيگ ك له‌لايه‌ن نه‌ته‌وه‌يل يه‌كگرتگه‌و ده‌رچيه‌ باس له‌وه‌ كرد و وت: هيمانى نزيكه‌ى 20 تا 30 هه‌زار چه‌كدار ريكخرياگ تيرۆريستى داعش وجوود ديرن له‌ عراق و سوريا ك هه‌رچه‌نى راويش نريان و رێ وه‌ هاتنه‌ بيگانه‌يليش ئه‌را ناو ڕزه‌يليان نادريه‌ێد.

 

راپۆرته‌ وت: له‌ناونى 3 و 4 هه‌زار تيرۆريست هانه‌ ليبيا ك بڕيگ له‌ليان جيواز ئه‌كريه‌ن ئه‌را ئه‌فغانستان و باس له‌وه‌يش كرد شماره‌ى تيرۆريسته‌يل له‌ عراق و سوريا يه‌كسانه‌و شماره‌يگ له‌ليان بيگانه‌ن.

 

وه‌ل ئه‌وه‌يشا راپۆرته‌گه‌ يه‌يش ده‌رخست ك نزيه‌ى 3500 - 4500 چه‌كدار ريكخرياگ داعش وجوود ديرن له‌ ئه‌فغانستان و ئاماژه‌ وه‌يه‌يش كرد ئه‌و شماره‌يشه‌ روێ له‌ زيايبوين ئه‌كاو شماره‌ى چه‌كداره‌يل ئه‌و ريكخرياگيشه‌ له‌ يه‌مه‌ن وه‌ 250 و 500 كه‌س ناوبرد وه‌ به‌راورد وه‌ل 6 تا 7 هه‌زار چه‌كدار له‌ ريكخرياگ ئه‌لقاعيده‌.