هــــه‌واڵ عــیراق
مه‌رجه‌عيگ ئايينى پشتگيرى به‌سره‌ ئه‌كاو ره‌خنه‌ له‌ هيزه‌يل ئه‌منى ئه‌گرێد

مه‌رجه‌عيگ ئايينى پشتگيرى به‌سره‌ ئه‌كاو ره‌خنه‌ له‌ هيزه‌يل ئه‌منى ئه‌گرێد


شه‌فه‌ق نيوز/ ئايه‌توڵلا جه‌واد خاڵسى مه‌رجه‌ع ئايينى داوا له‌گشت مه‌ردم عراقى كرد پشتگيرى خوه‌ينيشانده‌ره‌يل بكه‌ن له‌ به‌سره‌و وه‌رگرى له‌ مه‌زڵوميه‌تيان بكه‌ن و باس له‌وه‌يش كرد سوپاو ده‌زگايه‌يل ئه‌منى ئه‌را خزمه‌ت ملله‌ت دانريانه‌ نه‌ك ئه‌را وه‌رگرى له‌ زاڵمه‌يل و گه‌ناته‌كاره‌يل له‌وه‌ر كوشتن زوڵمليكرياگه‌يل.

 

خاڵسى له‌ به‌ياننامه‌يگ ك له‌لايه‌ن نويسينگه‌گه‌يه‌و كلكرياگه‌ ئه‌را شه‌فه‌ق نيوز وت: فريه‌جار وشدارى دايمنه‌و وشدارى دايمنه‌سه‌ دڵسووزه‌يل له‌ رووله‌يل عراق له‌ مه‌سه‌له‌ى خراوى خزمه‌تگوزاره‌يه‌يل و داواكاريه‌يل ملله‌ت عراقى زوڵمليكرياێ و مه‌سه‌له‌ى وه‌كارهاوردن هيز دژ روڵه‌يل عراق.

 

جى باسه‌، خاڵسى هه‌ميش وت: ئوميده‌واريم حكومه‌ت جواو راسكانى داواكاريه‌يل ملله‌ت عراق بيه‌ێده‌وه‌و سوپاو رووڵه‌يل سه‌ر وه‌ ده‌زگايه‌يه‌ل ئه‌منى له‌وه‌ر خاتر مقه‌يه‌تيكردن له‌ ملله‌ت عراق دامه‌زريانه‌و نه‌بايه‌د بوونه‌ وه‌سيله‌يگ وه‌ده‌س زاڵمه‌يل و گه‌ناته‌كاره‌يل له‌ كوشتن مه‌ردم زوڵمليكرياێ.