هــــه‌واڵ كــوردى
كوردستان: نياز جه‌نگ وه‌ل سوپاێ عراقى نه‌يرێم

كوردستان: نياز جه‌نگ وه‌ل سوپاێ عراقى نه‌يرێم


شه‌فه‌ق نيوز/ فه‌لاح مسته‌فا وه‌رپرس په‌يوه‌نديه‌يل خارجى له‌ حكومه‌ت هه‌رێم كوردستان، جه‌خت له‌بان گرينگى په‌نابردن وه‌ گفتگوو كرد له‌ ناونى هه‌ولێر و به‌غدا له‌وه‌ر چاره‌سه‌ر ئى قه‌يرانه‌ ك وه‌ بوونه‌ێ راپرسێ سه‌روه‌خوه‌يى كوردستان هاته‌ وجوود و باس له‌وه‌يش كرد ك كوردستان هويچ نيازيگ نه‌يرێد جه‌نگ وه‌ل سوپاێ عراقى به‌رپا بكا.

 

مسته‌فا له‌ ديمانه‌يگ وه‌ل "سى ئێن ئێن" وت: ئى روێداگه‌يله‌ له‌ ماوه‌ێ رووژه‌يليگ تر ئاشكراتر ئه‌دێ و ئيمه‌ چيمنه‌سه‌ ناو قوناغ تازه‌يگ ئه‌را مامڵه‌كردن وه‌ل به‌غداو جى داخيشه‌ وه‌ى جووره‌ ك هاوسايه‌يل به‌غدا و كومه‌ڵگاى ناوده‌وڵه‌تى ئه‌نجامى دان جواو راپرسێ ديموكراسيانه‌و ئاشتيانه‌ بدريه‌ێده‌و.

 

جى باسه‌، مسته‌فا هه‌ميش وت: ئيمه‌ ئاشكرا په‌ياممان ره‌سانيم وه‌ ئه‌وه‌گ ملله‌ت كوردستان مافه‌يل خوه‌يان وه‌ده‌س بارن و ئاماده‌گى خوه‌مانيش ده‌رخستيم وه‌ جددێ ئه‌را گفتگوو وه‌ل به‌غدا له‌باره‌ێ ئاينده‌ێ په‌يوه‌نديه‌يل و مه‌رزه‌يل هه‌رێم، وه‌لێ به‌غدا ئاماده‌ێ گفتگوو نه‌وێ.