هــــه‌واڵ جیــهانى
ميره‌يل بنه‌ماڵه‌ێ سعود جڵه‌و ده‌سڵات له‌ بن سه‌لمان دويره‌و ئه‌خه‌ن

ميره‌يل بنه‌ماڵه‌ێ سعود جڵه‌و ده‌سڵات له‌ بن سه‌لمان دويره‌و ئه‌خه‌ن


شه‌فه‌ق نيوز/ روێته‌رز له‌ زووان 3 سه‌رچه‌وه‌ى نزيك له‌ ديوان پاشايه‌تى سعودى، باس له‌وه‌ كرد ك ئه‌ندامه‌يل بنه‌ماڵه‌ێ فه‌رمانڕه‌وا له‌ شانشينه‌گه‌ هه‌واڵ نواگيرى له‌ محه‌مه‌د بن سه‌لمان وه‌ليعه‌هد ئه‌كه‌ن ئه‌را وه‌رگرتن جڵه‌و ده‌سڵات وڵاته‌كه‌، ئه‌ويش دوياى كوشيان جه‌نال خاشقچى رووژنامه‌نويس.

 

ئه‌و سه‌رچه‌وه‌يله‌ ئه‌را وێته‌رز وتنه‌: ده‌يان له‌ ميره‌يل و رووڵه‌يل ئاموزا له‌و بنه‌ماڵه‌ێ فه‌رمانڕه‌واى ئال سعوده‌، ئه‌خوازن ئاڵشتكارى له‌ پلان خلافه‌ت بدێ، وه‌لێ هويچ ره‌فتاريگ ناكه‌ن مادام شا سه‌لمان باوگ وه‌ليعه‌د ك ته‌مه‌نى 82 ساڵه‌ هيمان ها ژيان و خاسيش ئه‌زانن ك ماقوڵ نيه‌ باوگ دژ كوڕه‌گه‌ێ بدێ ك له‌خوه‌رئاوا وه‌ MbS ناسرياگه‌.

 

جى باسه‌، وه‌ل ئه‌وه‌يشا ئه‌وانه‌ وه‌ل كه‌سه‌يل تر له‌ بنه‌ماڵه‌يل تر باس له‌ مردن دوياى پاشاى ئيسه‌ ئه‌كه‌ن و ئه‌خوازن مير ئه‌حمه‌د بن عه‌بدولعه‌زيز براى له‌شوونى دابنه‌ن ك ته‌مه‌نى 76 ساڵه‌ ئه‌را پاشاو گرتنه‌ده‌س جله‌و ده‌سڵات، ك براى شا سه‌لمان و مامه‌ى وه‌ليعه‌هد ئيسه‌سه‌و ئه‌تويه‌نێد وه‌ شه‌رعى ده‌سڵات بگرێده‌ ده‌س.