هــــه‌واڵ عــیراق
هه‌رزه‌كاريگ عراقى وه‌ بوونه‌ى وازێ"پوبجى" خوه‌ى كوشت

هه‌رزه‌كاريگ عراقى وه‌ بوونه‌ى وازێ"پوبجى" خوه‌ى كوشت


شه‌فه‌ق نيوز/ كۆمسيۆن باڵاى مافه‌يل ئاده‌ميزاد له‌ عراق، ئاشكراى كرد ك هه‌رزه‌كاريگ له‌ پاريزگاى بابل له‌ عراق وه‌ بوونه‌ى وازێ Player Unknown's Battlegrounds ئه‌لكترۆنيه‌و ك ناسرياگه‌ وه‌ "پوبجى" خوه‌ى كوشتگه‌.

 

له‌ى باوه‌ته‌و، زه‌يدان عه‌توانى ئه‌ندام كۆمسيۆن له‌ به‌ياننامه‌يگ وت: حاڵه‌تيگ خوه‌يكوشى له‌لايه‌ن هه‌رزه‌كاريگه‌و له‌ رۆڵه‌يل پاريزگاى بابل وه‌پيمان ره‌سيه‌ وه‌ بوونه‌ى وازێ پۆبجى له‌ ته‌مه‌ن 17 ساڵان، جوور ئه‌وه‌گ كه‌س وكارى باسى ئه‌كه‌ن.

 

عه‌توانى هه‌ميش وت: خواست ئه‌وه‌سه‌ ئيچنه‌ حاڵه‌ته‌يليگ دراسه‌ت بكريه‌ێد و هووكاره‌يلێ بزانريه‌ێد ك زه‌ره‌د وه‌ جايه‌ڵ جوانه‌يل عراقى ره‌سنێد و بايه‌سه‌ چاره‌سه‌ر گونجياگ ئه‌را ئى حاڵه‌ته‌يله‌ په‌يا بكريه‌ێدو هه‌ر وه‌و خاتريشه‌ داوا له‌ خيزانه‌يل عراقى كرد چه‌ودێرى زياتر بخه‌نه‌ بان رووڵه‌يليان و به‌ديل ئه‌رايان ده‌سه‌وه‌ر بكه‌ن.