هــــه‌واڵ عــیراق
سه‌دام حسێن له‌ناكاو له‌ له‌نده‌ن ده‌ركه‌فت

 سه‌دام حسێن له‌ناكاو له‌ له‌نده‌ن ده‌ركه‌فت


شه‌فه‌ق نيوز/ مه‌ردم يه‌كيگ له‌ ناوچه‌يل خوه‌رهه‌ڵات له‌نده‌ن باس له‌وه‌ ئه‌كه‌ن جوور موفاجئه‌يگ له‌ناكاو تابلۆيگ يادگارى له‌بان سه‌دام حسێن سه‌رۆك وه‌رين عراق له‌ ناوچه‌گه‌يان ده‌ركه‌فتگه‌.

 

ئه‌و تابلۆێ مسينه‌ له‌ قه‌ى يه‌كيگ له‌ كورسه‌يل له‌ناوڕاس جاده‌يگ قه‌ره‌باڵغ له‌ ناوچه‌ى وانستێد له‌ ده‌ورگرد خوه‌رهه‌ڵات له‌نده‌ن يادگارييگ له‌ خوه‌شه‌ويسى سه‌دام له‌قه‌يه‌و نويسرياگه‌ وه‌ل ئاماژه‌كردن ئه‌را ساڵ له‌داڵگبوين و رووژ له‌سێداره‌داينيشى.

 

جێ باسه‌، ئه‌و تابلۆى يادگاريه‌ بويه‌ جێ تويڕه‌يى شماره‌ى فره‌ييگ له‌ مه‌ردم ناوچه‌گه‌ ك وه‌بى سڵاى مه‌ردم ئه‌و ناوچه‌ دانرياوێد.