هــــه‌واڵ كــوردى
سه‌ركرده‌يگ له‌ يه‌كێتى نيشتمانى ده‌س له‌ حزبه‌گه‌ێ كيشاوه‌

سه‌ركرده‌يگ له‌ يه‌كێتى نيشتمانى ده‌س له‌ حزبه‌گه‌ێ كيشاوه‌


شه‌فه‌ق نيوز/ حه‌سه‌ن بارام دوياى فيشتر له‌ بيس و په‌نج ساڵ رووژگار له‌ ئنتماێ ئه‌را يه‌كێتى نيشتمانى كوردستان، ئمڕوو ده‌س له‌كاريشانه‌وه‌ى خوه‌ى له‌ حزبه‌گه‌ێ ئاشكرا كرد.

 

بارام ك پۆست جيگر وه‌پرس باره‌گاى "حه‌مرين" يه‌كێتى نيشتمانى كوردستان داشت له‌ لێدوانيگ ئه‌را شه‌فه‌ق نيوز وت: ده‌س له‌كاركيشانه‌وه‌ى خوه‌م پيشكه‌ش وه‌ حزب كردمه‌و ئيسه‌يش فكر له‌ ئنتما ئه‌را حزبيگ دياريكرياگ ئه‌كه‌م و هه‌ر وه‌ختيگ بڕيار بيه‌يم يه‌كسه‌ر ئاشكراى ئنتمام ئه‌را حزبه‌ تازه‌گه‌ ئه‌كه‌م.

 

جى باسه‌، بارام هه‌ميش وت: وه‌ بوونه‌ى ئه‌و بارودوخه‌ ك له‌ناوچه‌يل كوردستانى ده‌يشت ئداره‌ێ هه‌رێم په‌يا بوينه‌، بڕيار ده‌س له‌كاركيشانه‌وه‌م دام.