هــــه‌واڵ عــیراق
ئيران له‌بان راپۆرته‌يل دامه‌زرانن هاوپه‌يمانى په‌نج لايه‌نى وه‌ به‌شدارێ عراق هاته‌ جواو

ئيران له‌بان راپۆرته‌يل دامه‌زرانن هاوپه‌يمانى په‌نج لايه‌نى وه‌ به‌شدارێ عراق هاته‌ جواو


شه‌فه‌ق نيوز/ به‌هرام قاسمى قسه‌كه‌ر وه‌ناو خارجيه‌ى ئيرانى، باس له‌و باوه‌ته‌ كرد ك له‌لايه‌ن هووكاره‌يل ره‌ساننه‌و بڵاو كريا له‌باره‌ى پيشنيار ده‌وڵه‌ت قه‌ته‌ر ئه‌را دامه‌زرانن هاوپه‌يمانى هه‌رێمى له‌ په‌نج ده‌وڵه‌ت.

 

قاسمى له‌ كۆنگره‌يگ رووژنامه‌گه‌رێ هه‌فتانه‌ وه‌ل رووژنامه‌نويسه‌يل له‌ ته‌هران ئه‌وه‌ ده‌رخست ك زانياريه‌يل ته‌واويگ له‌ى باوه‌ته‌و نه‌يرێد، جوور ئه‌وه‌گ ئاژانس ته‌سنيم ئيرانى ئاماژه‌ وه‌پى كرد.

 

راپۆرته‌يل هه‌واڵ عراقى و ئيرانى باس له‌وه‌ كردنه‌ ك ده‌سڵاته‌يل قه‌ته‌رى مه‌سه‌له‌ى دامه‌زرانن هاوپه‌يمانى له‌ په‌نج ده‌وڵه‌ت ك پيكهاتنه‌ له‌ قه‌ته‌ر و عراق و سوريا و ئيران و توركيا خستنه‌سه‌ روێ، وه‌ ئه‌وه‌گ رۆڵ له‌ ناوچه‌گه‌ بياشتوود.

 

جى باسه‌، قاسمى ئه‌ويش خسته‌ دروو ك به‌رهه‌م ساڵح نامه‌يگ ئه‌را ئيران له‌لايه‌ن سعوديه‌وه‌ بردوێد له‌وه‌خت سه‌ردانى ئه‌را ته‌هران و باس له‌وه‌ كرد ك سه‌ردانه‌گه‌ى ساڵح فريه‌ سوودمه‌ن بويه‌و له‌وه‌خت گونجياگيگ بويه‌.