هــــه‌واڵ كــوردى
دانيشتن حكومه‌ت هه‌رێم كوردستان وه‌ل گۆڕان كووتايى هات

دانيشتن حكومه‌ت هه‌رێم كوردستان وه‌ل گۆڕان كووتايى هات


شه‌فه‌ق نيوز/ دانيشتن نه‌يچێروان بارزانى سه‌رۆك حكومه‌ت هه‌رێم كوردستان و قوباد تاڵه‌بانى جيگرى وه‌ل بزووتنه‌وى گۆڕان ك ئمڕوو له‌ پاريزگاى سلێمانى ساز كريا، كووتايى وه‌پى هات.

 

ئاسۆ مه‌حمود ئه‌ندام ئه‌نجومه‌ن سه‌ركردايه‌تى له‌ بزووتنه‌وه‌ له‌ كۆنگره‌يگ رووژنامه‌گه‌رى دوياى ئه‌و دانيشتنه‌ وت: ئى دانيشتنه‌ ته‌شاورى بويه‌و هويچ بڕياريگ له‌ليه‌و ده‌رنه‌چيه‌ و بزووتنه‌وه‌ى گۆڕان پرووژه‌ى خوه‌ێ پيشكه‌ش كرده‌سه‌ حكومه‌ت وه‌ختى ك ناوه‌ڕووكى دامه‌زرانن حكومه‌تيگ تر وه‌ختيه‌.

 

جى باسه‌، مه‌حمود هه‌ميش وت: ئيمه‌ حكومه‌ت وه‌ وه‌سيله‌يگ ئه‌را جيوه‌جيكردن خواسته‌يل ملله‌ت دانه‌يم و وه‌ تايبه‌ت ئه‌گه‌ر حكومه‌ت وه‌ختى ئيسه‌ تويه‌نست سێ خاڵ جيوه‌جى بكا ك پيكهاتنه‌ له‌ خاسه‌وكردن هه‌ڵكه‌فت گوزران ملله‌ت و مقه‌يه‌تيكردن له‌ مافه‌يليان و زه‌مانتكردن ئه‌نجامداين هه‌ڵوژاردنه‌يل پاك و دادگه‌رانه.‌