هــــه‌واڵ عــیراق
توركيا شماره‌يگ كووچكه‌ر ناياسايى له‌ناونيايش عێراقيه‌يل ده‌سوه‌سه‌ر ئه‌كا

توركيا شماره‌يگ كووچكه‌ر ناياسايى له‌ناونيايش عێراقيه‌يل ده‌سوه‌سه‌ر ئه‌كا


شه‌فه‌ق نيوز/ سه‌رچه‌وه‌يليگ ئه‌منى توركى باس له‌وه‌ كردن ك نزيكه‌ى 33 كووچكه‌ر ناياسايى له‌ باكوور خوه‌رئاواى وڵاته‌گه‌ ده‌سوه‌سه‌ر كريانه‌.

 

له‌ى باوه‌ته‌و، ئاژانس هه‌واڵه‌يل فه‌رمى ئه‌نادۆل توركى له‌زووان سه‌رچه‌وه‌يليگه‌و ك نه‌تواستنه‌ ناويان ئاشكرا بكريه‌ێد، وت: هيزه‌يل ناوچه‌يى وه‌گووره‌ى ده‌سكه‌فتن زانياريه‌يليگ تويه‌نستنه‌ په‌نج كۆمه‌ڵ كووچكه‌ر ناياسايى له‌ نزيك مه‌رزه‌يل وه‌ل بوڵغاريا ده‌سوه‌سه‌ر بكه‌ن.

 

ئه‌و سه‌رچه‌وه‌يله‌ باس له‌وه‌يش كردن ئه‌و كووچكه‌ره‌يله‌ ره‌گه‌زنامه‌ێ ئه‌فغانى و عراقى و ئيرانى و پاكسانى داشتنه‌ ك تواسنه‌ وه‌شێوه‌يگ ناياسايى بچن وه‌ره‌و ئۆرپا.