هــــه‌واڵ كــوردى
وزاره‌تيگ كوردستانى چاره‌سه‌ر ئه‌را دابه‌شكردن مووچه‌ێ كارمه‌نده‌يلێ ديرێد

وزاره‌تيگ كوردستانى چاره‌سه‌ر ئه‌را دابه‌شكردن مووچه‌ێ كارمه‌نده‌يلێ ديرێد


شه‌فه‌ق نيوز/ قسه‌كه‌ر وه‌ناو وزاره‌ت داد له‌ حكومه‌ت هه‌رێم كوردستان، ئاشكراى ئه‌وه‌ كرد وزاره‌ته‌گه‌ێ ئه‌تويه‌نێد وه‌بى پاشكه‌وت مووچه‌ێ كارمه‌نده‌يلێ دابه‌ش بكاو ئاماژه‌ وه‌يه‌يش كرد ك ساڵ گوزه‌يشت 49 هه‌زار دوسيه‌ێ فرووشتن و سه‌ندن موڵك و زه‌ويه‌يل جياجيا ته‌مام كردگه‌.

 

نه‌ريمان تاڵب له‌ كۆنگره‌يگ رووژنامه‌گه‌رى وت: شماره‌ى كارمه‌نده‌يل وزاره‌ته‌گه‌ 4 هه‌زار و 629 كارمه‌ندن و وه‌گووره‌ێ داهاته‌يليگ ك وزاره‌ته‌گه‌ ئه‌كه‌فێده‌ ده‌ى ئه‌تويه‌نێد مووچه‌ێ ئه‌و كارمه‌نده‌يله‌ بيه‌ێد وه‌بى پاشكه‌فتكردن.

 

جى تاڵب هه‌ميش وت: ساڵ 2017 ريژه‌ى داهات وزاره‌ته‌گه‌ وه‌ نسبه‌ى 21% زياێ كردگه‌و ره‌سيه‌سه‌ 130 مليار دينار و باس له‌وه‌يش كرد ك وزاره‌ته‌گه‌ وه‌و داهاته‌ ئه‌تويه‌نێد خه‌رج خوه‌ێ و مووچه‌ێ كارمه‌نده‌يليشێ ده‌سه‌وه‌ر بكاو 22%يش هه‌واڵه‌ێ خه‌زينه‌ى حكومه‌ت بكا.