هــــه‌واڵ عــیراق
سه‌رچه‌وه‌يگ ئاگادار: توركياو ئيران دو ئامانج سه‌ره‌كى سه‌ردان بن سه‌لمانن ئه‌را عراق

سه‌رچه‌وه‌يگ ئاگادار: توركياو ئيران دو ئامانج سه‌ره‌كى سه‌ردان بن سه‌لمانن ئه‌را عراق


شه‌فه‌ق نيوز/ سه‌رچه‌وه‌يگ ئاگادار له‌ حزب ده‌عوه‌ى فه‌رمانڕه‌وا له‌ عراق ئاشكراى گرينگترين ئامانجه‌يل سه‌ردان چه‌وه‌ڕيكرياێ محه‌مه‌د بن سه‌لمان وه‌ليعه‌هد سعودى كرد ئه‌را عراق وه‌ تايبه‌ت ئه‌را به‌غدا و نه‌جه‌ف.

 

ئه‌و سه‌رچه‌وه‌ ئه‌را شه‌فه‌ق نيوز وت: ئى سه‌ردانه‌ بنه‌ماى قويل دانه‌ێد ئه‌را چه‌ن ئامانجيگ له‌ نواى گشتيانيش به‌رژه‌وه‌نديه‌يل بازرگانى گه‌ورا وه‌ ئه‌وه‌گ عراق بازاڕيگه‌ تيه‌نگ و سعوديه‌يليش مه‌يل ركابه‌رى توركه‌يل ديرن له‌ قوناغ ئاينده‌.

 

سه‌رچه‌وه‌گه‌ هه‌ميش وت: له‌ڕوێ سياسييشه‌و سعوديه‌ هه‌وڵ دروسكردن هاوسه‌نگييگ ئه‌ياد له‌وه‌رده‌م نفوز ئيرانى و ئاماژه‌ وه‌يه‌يش كرد ك ده‌وڵه‌ت عه‌ره‌بييش باوه‌ڕيان ئه‌وه‌ بويه‌ كليل عراق سنيه‌، وه‌لێ ئيسه‌ ئاڵشتكارى روێ داگه‌و جموجويل وه‌ره‌و دووسه‌يل شيعه‌ كردگه‌.