هــــه‌واڵ كــوردى
كوردستان مناێ عراق و كۆمه‌ڵگاى ناوده‌وڵه‌تى ئه‌كا

كوردستان مناێ عراق و كۆمه‌ڵگاى ناوده‌وڵه‌تى ئه‌كا


شه‌فه‌ق نيوز/ وه‌رپرس گه‌ورايگ له‌ حكومه‌ت هه‌رێم كوردستان ئه‌وه‌ ده‌رخست و وت: ئه‌و كووچبه‌ره‌يل نيشته‌جيه‌ له‌ناو خاكه‌يل هه‌رێم هويچ ده‌سميه‌ته‌يليگ له‌ حكومه‌ت عراقى يا ده‌وڵه‌ته‌يل ئۆرپيه‌و وه‌پيان ناڕه‌سێد و ته‌نيا هه‌رێم كوردستان وه‌رپرسيارێتى چه‌وديركردنيان گرته‌سه‌ مل.

 

له‌ى باوه‌ته‌و، فه‌لاح مسته‌فا سه‌رۆك ده‌زگاى په‌يوه‌نديه‌يل خارجى له‌ حكومه‌ت هه‌رێم كوردستان، وت: حكومه‌ت هه‌رێم له‌ى ساڵه‌يل دوياخر گوزه‌يشته‌ هه‌زاران كووچبه‌ر گرته‌ خوه‌ى، وه‌لێ وه‌رده‌وامبوين له‌ چه‌وديريكردنيان هه‌وه‌جه‌ وه‌ ده‌سميه‌تداين به‌غدا و كۆمه‌ڵگاى ناوده‌وڵه‌تى ديرێد.

 

جى باسه‌، مسته‌فا ئه‌را گۆڤار"نيوزويك"ئه‌مريكييش وت: هويچ لايه‌نيگ چ‌ حكومه‌ت عراقى يا كۆمه‌ڵگاى ناوده‌وڵه‌تى ده‌سميه‌ت وه‌ كووچبه‌ره‌يل پيشكه‌ش نه‌كردنه‌ وه‌ گووره‌ى ئه‌و وه‌رپرسيارێتيه‌ ك بايه‌سه‌ ئه‌نجامى بيه‌ن.