هــــه‌واڵ عــیراق
مافه‌يل ئاده‌ميزاد له‌باره‌ى دويه‌ت ومناڵه‌يل له‌ كه‌مپ كووچبه‌ره‌يل وشدارى دا

مافه‌يل ئاده‌ميزاد له‌باره‌ى دويه‌ت ومناڵه‌يل له‌ كه‌مپ كووچبه‌ره‌يل وشدارى دا


شه‌فه‌ق نيوز/ وحده‌ جومێلى كومسيار له‌ كومسيۆن باڵاى مافه‌يل ئاده‌ميزاد، وشدارى زيايبوين ديارده‌ى ته‌حه‌ڕوش جنسى وه‌ دويه‌ته‌يل و مناڵه‌يل دا له‌ كه‌مپه‌يل كووچبه‌ره‌يل.

 

جومێلى له‌ به‌ياننامه‌يگ ئه‌را(شه‌فه‌ق نيوز)وت: ديارده‌ى ته‌حه‌ڕوشكردن جنسى وه‌ دويه‌ته‌يل و مناڵه‌يل له‌ كه‌مپه‌يل كووچبه‌ره‌يل بويه‌سه‌ ديارده‌يگ نه‌شارياگ ك هه‌رچه‌نى زوورميانيش له‌ ژينگه‌يگ مقه‌يه‌تيكرياگن.

 

جى باسه‌، جومێلى هه‌ميش وت: دويه‌ته‌يل سه‌خته‌ له‌بانيان نواى كه‌سيگ له‌وانه‌گ بگرن ك ئه‌يه‌نه‌ تويشيان له‌ وه‌خت چگنيان ئه‌را خوه‌ندنگا يا بازاڕ و له‌ترس خيزانيان خوه‌يان يا خيزان ئه‌وانه‌گيش ك ته‌حه‌ڕوش وه‌پيان ئه‌كه‌ن ئه‌ترسن قسه‌ بكه‌ن و هووكار يه‌يش برده‌و ئه‌را وجوود بڕيگ جايه‌ڵ جوان ك ڕى چه‌فت و خراو گرتنه‌سه‌ وه‌ر و ئى كاره‌يله‌ ئه‌نجام ئه‌يه‌ن و هه‌ر وه‌و خاتريشه‌ جومێلى داواى كله‌وكردن ئه‌و خيزانه‌يل كووچبه‌ره‌ كرد ئه‌را ناوچه‌يل خوه‌يان وه‌ل دابينكردن هه‌وه‌جه‌يل ژيان ئه‌رايان.