هــــه‌واڵ كــوردى
شاند ئه‌ڵمانيا له‌ هه‌رێم كوردستان ريككه‌فتن بازرگانى ئمزا ئه‌كا

شاند ئه‌ڵمانيا له‌ هه‌رێم كوردستان ريككه‌فتن بازرگانى ئمزا ئه‌كا


شه‌فه‌ق نيوز/ برياره‌ شانديگ بازرگانى ئه‌ڵمانى له‌شار هه‌ولێر پايته‌خت هه‌رێم كوردستان دوياى سه‌ردان يه‌كێتى هاورده‌كاره‌يل و هه‌نارده‌كاره‌يل هه‌رێم ياداشتيگ بازرگانى له‌باره‌ى هاورده‌كردن كاڵا له‌ ده‌وڵه‌ت ئه‌ڵمانياوه‌ ئمزا بكه‌ن.

 

وه‌ گووره‌ى زانياريه‌يل له‌لاى شه‌فه‌ق نيوز ئه‌وه‌ ده‌ركه‌فت ئه‌و شانده‌ سه‌رۆك غورفه‌ى بازرگانى ئه‌ڵمانى سه‌رۆكايه‌تيى ئه‌كاو چه‌ويان ئه‌كه‌فێده‌ يه‌كێتى هاورده‌كاره‌يل و هه‌نارده‌كاره‌يل له‌ هه‌ولێر و ياداشتيگ بازرگانى له‌باره‌ى هاورده‌كردن كاڵايه‌يل ئه‌كه‌ن.

 

جى باسه‌، زويتريش يه‌كێتى هاورده‌كاره‌يل و هه‌نارده‌كاره‌يل له‌ هه‌رێم كوردستان ئاشكراى كرد ك هه‌رێم له‌ قه‌واره‌ى هاورده‌كردن ئه‌و كاڵايه‌يله‌ له‌ ده‌وڵه‌ته‌يل ئۆرپيه‌و زياى ئه‌كاو هه‌ر وه‌و خاتريشه‌ شێخ مسته‌فا شێخ عه‌بدولڕه‌حمان سه‌رۆك يه‌كێتيه‌گه‌ له‌ كۆنگره‌يگ رووژنامه‌گه‌رى له‌ سلێمانى وت: بازرگانه‌يل و هاورده‌كاره‌يل له‌ كورجستان ئه‌تويه‌نن بچن وه‌ره‌و ده‌وڵه‌ته‌يل ئۆرپى و كاڵا بارن له‌رێ وه‌رگرتن ڤيزا.