شه‌فه‌ق نيوز/ عادل عه‌بدولمه‌هدى سه‌رۆك وه‌زيره‌يل پيشوازى له‌ شا عه‌بدوڵڵاى دويه‌م پاشاى ئوردن كرد ك وه‌سه‌ردانيگ فه‌رمى ره‌سيه‌ به‌غداى پايته‌خت.

سه‌رۆك ئه‌نجومه‌ن وه‌زيره‌يل و پاشاى ئوردن دانيشتنيگ دولايه‌نى ئه‌نجام دان و له‌تى باس له‌ مه‌سه‌له‌يل ناونى هه‌ردوگ وڵات و بارودوخ هه‌رێمى و گرنگى يه‌كخستتن رزه‌يل ئه‌را وشاننه‌وه‌ى بشيوى و گرژى كردن ك هاته‌سه‌ تويش ناوچه‌گه‌و مقه‌يه‌تيكردنت له‌ كيشه‌ى فلستين و وه‌رگريكردن له‌ قودس

هه‌ر له‌و دانيشتنه‌ باسيش له‌ په‌ره‌داين وه‌ په‌يوه‌نديه‌يل ناونى هه‌ردوگ وڵات برا و هاوسا كريا وه‌ل ئاڵشتكردن هوير وڕا له‌باره‌ى كيشه‌يل هاوبه‌ش و گرنگى جيوه‌جيكردن سه‌قامگيرى ئه‌را ملله‌ته‌يل ناوچه‌گه‌و جه‌ختكردن له‌ جيوه‌جيكردن ئاكام گفتگووه‌يل فه‌رمى له‌ به‌غدا ك ئه‌نجام دريا له‌ناونى هه‌ردوگلا.