هــــه‌واڵ جیــهانى
ئه‌مريكا لايه‌نگر ئه‌را هاوپه‌يمانێتى دژ ئيران گرده‌و ئه‌كا

ئه‌مريكا لايه‌نگر ئه‌را هاوپه‌يمانێتى دژ ئيران گرده‌و ئه‌كا


شه‌فه‌ق نيوز/ ئه‌را يه‌كه‌مجاره‌ وڵاته‌يل يه‌كگرتگ، پاشمه‌نده‌ى چه‌كه‌يل ئيرانى ك ته‌هران داسه‌ى هيزه‌يل حووسى له‌ يه‌مه‌ن نمايش كرد و تاريفى وه‌ ئه‌وه‌ كرد ك به‌ڵگه‌يلن له‌بان ئه‌وه‌گ ئيران بڕيار نه‌ته‌وه‌يل يه‌كگرتگ شكنێد.

 

ئه‌و چه‌كه‌يله‌ پاشمه‌نده‌ پيكهاتنه‌ له‌ به‌شه‌يليگ له‌ پاشمه‌نده‌ى موشه‌كه‌يل باليستى كوڵ ماوه‌ى ئيرانى ك له‌ يه‌مه‌نه‌و وه‌شيانه‌ له‌ 4 نۆفه‌مبه‌ر ئه‌را بان ته‌ياره‌خانه‌ى شا خالد له‌ ده‌يشت رياز پايته‌خت سعوديه‌ و هه‌ر وه‌و خاتريشه‌ نيكى هيلى باڵوێز ئه‌مريكى له‌ نه‌ته‌وه‌يل يه‌كگرتگ باس له‌وه‌ كرد ك ته‌هران وه‌رپرسه‌ له‌بان جيوازكردن ئه‌و چه‌كه‌يله‌ ئه‌را حووسيه‌يل ك ئيران پشتگيرى له‌ليان ئه‌كا له‌ يه‌مه‌ن.

 

جى باسه‌، سعوديه‌و ئيمارات و به‌حره‌ينيش خوه‌شاڵ بوين وه‌ راپۆرته‌گه‌ى نه‌ته‌وه‌يل يه‌كگرتگ و هه‌ڵويست وڵاته‌يل يه‌كگرتگ له‌ وه‌رانوه‌ر پشتگيرى ئيران له‌ حووسيه‌يل له‌ يه‌مه‌ن وه‌ موشه‌ك و داواى موحاسبه‌ى گورج ته‌هرانيش كردن له‌بان ره‌فتاره‌يلێ و له‌ هه‌مان وه‌خت سعوديه‌يش خوه‌شاڵ بوى وه‌ هه‌ڵويست ئه‌مريكى ك داوا له‌ كۆمه‌ڵگاى ناوده‌وڵه‌تى كرد رێ و شوون بگرێده‌ وه‌ر ئه‌را جيوه‌جيكردن بڕياره‌يل ئه‌نجومه‌ن ئاسايش و باس له‌وه‌يش كرد ك ئاماده‌س ئه‌را گرده‌وكردن لايه‌نگر و كاركردن وه‌ل هاوپه‌يمانه‌يلێ دژ هه‌ڵسووكه‌فت ئيران.