هــــه‌واڵ عــیراق
سه‌رچه‌وه‌يل ئاوى هووكار داوه‌زين ريژه‌ى ئاوه‌يل له‌ باشوور عراق ئاشكراكرد

سه‌رچه‌وه‌يل ئاوى هووكار داوه‌زين ريژه‌ى ئاوه‌يل له‌ باشوور عراق ئاشكراكرد


شه‌فه‌ق نيوز/ وه‌زاره‌ت سه‌رسه‌رچه‌وه‌يل ئاوى باس له‌وه‌ كرد ك داوه‌زين ريژه‌ى ئاوه‌يل له‌ پاريزگايه‌يل باشوور عراق هووكاره‌گه‌ى ئه‌وه‌سه‌ بڕيگ مه‌ردم ده‌سكردنه‌سه‌ خراوكردن وه‌ربه‌س "نازم ئه‌ليه‌عو" له‌ پاريزگاى نه‌جه‌ف ك يه‌يش بويه‌سه‌ هووكار به‌سانن ده‌روازه‌گه‌ێ.

 

وه‌زاره‌ته‌گه‌ له‌ به‌ياننامه‌يگ ئه‌را شه‌فه‌ق نيوز وت: بڕيگ له‌ هاووڵاتيه‌يل له‌ ناحيه‌ى قادسيه‌ له‌ پاريزگاى نه‌جه‌ف ده‌سدريژى كردنه‌سه‌ بان يه‌كيگ له‌ دامه‌زرياگه‌يل ئاودێرى له‌بان ده‌رياچه‌ى فورات "نازم ئه‌ليه‌عو" و كه‌ره‌سه‌يلى ته‌حه‌كومكردنى خراو كردنه‌و يه‌يش بويه‌سه‌ هووكار به‌سانن چوار ده‌روازه‌ى له‌ جه‌م شه‌ش ده‌روازه‌.

 

جى باسه‌، به‌ياننامه‌گه‌ هه‌ميش وت: له‌وه‌ر ئى هووكاره‌ ريژه‌ى ئاوه‌يل له‌ باشوور عراق نزمه‌و بويه‌ ك زويتر پلان تاوسانه‌ داشتنه‌ ئه‌را ته‌رخانكردن به‌ش ئاو ئه‌را ئه‌و پاريزگايه‌يله‌.