هــــه‌واڵ عــیراق
په‌رله‌مان عراقى ته‌مه‌ن خوه‌ى دريژه‌و ئه‌كا

په‌رله‌مان عراقى ته‌مه‌ن خوه‌ى دريژه‌و ئه‌كا


شه‌فه‌ق نيوز/ ئه‌نجومه‌ن نوێنه‌ره‌يل عراقى كه‌ ولايه‌تى ته‌واو بويه‌، دانيشتنيگ جيا وه‌ سه‌رۆكايه‌تى سه‌ليم جبورى سه‌رۆك ئه‌نجومه‌ن و وه‌ ئاماده‌بوين نوێنه‌ره‌يليگ له‌ فراكسيۆنه‌يل تويڕه‌ له‌ ئاكامه‌يل هه‌ڵوژاردن ساز كردن.

 

هه‌ر له‌ سه‌ره‌تاى دانيشتنه‌گه‌ ليژنه‌ى ياسايى ده‌سكرده‌ خوه‌نينه‌وه‌ى يه‌كه‌م ئه‌را پيشنيار راسه‌وكردن چواره‌م ئه‌را ياساى هه‌ڵوژاردنه‌يل ته‌شريعى كه‌ ئه‌ويش مه‌رام له‌لى وه‌رده‌وامى كار ئه‌نجومه‌ن نوێنه‌ره‌يله‌ تا وه‌ختيگ ئه‌نجامه‌يل هه‌ڵوژاردن په‌سه‌ن ئه‌كريه‌ێد.

 

له‌ى باوه‌تيشه‌و سه‌رچه‌وه‌يگ نوێنه‌رايه‌تى ئاگادار شه‌فه‌ق نيوز كرد كه‌ پيشنيار راسه‌وكردن چواره‌م ئمزاى 60 نوێنه‌ر داشتگه‌و پيشكه‌ش وه‌ سه‌رۆكايه‌تى ئه‌نجومه‌ن نوێنه‌ره‌يل كرياگه‌ كه‌ ئه‌ويش له‌لاى خوه‌يه‌و هه‌واڵه‌ى ئه‌كا ئه‌را ليژنه‌ى ياسايى له‌وه‌ر خوه‌نينه‌وه‌ى، له‌وه‌ختيگ كه‌ جبورى له‌و دانيشتنه‌ وت: دريژه‌وكردن ته‌مه‌ن په‌رله‌مان وه‌بى خه‌رجكردن دارايى ئه‌دێ و هاوسه‌نگ ئه‌دێ وه‌ل ته‌مه‌ن ده‌سڵات جيوه‌جيكار ئه‌را پڕكردنه‌وه‌ى بۆشايى ته‌شريعى و مقه‌يه‌تيكردن له‌ هاوسه‌نگى ده‌وڵه‌ت له‌وه‌خت پروسه‌ى شماردن و جياكردنه‌وه‌ى ده‌نگه‌يل وه‌ده‌س.