هــــه‌واڵ كــوردى
شيرين فوئاد مه‌عسوم: كودستان بايه‌سه‌ سوپاى يه‌كگرتگ داشتوود

شيرين فوئاد مه‌عسوم: كودستان بايه‌سه‌ سوپاى يه‌كگرتگ داشتوود


شه‌فه‌ق نيوز/ شيرين فوئاد موعسوم دويه‌ت سه‌رۆك كۆمار عراق، وت: ئه‌مريكا پشتگيرى كورد نه‌كردگه‌ تا واز له‌ليان بارێد، جه‌ختيش له‌وه‌ كرد ك بايه‌سه‌ بوى حزبه‌يل كوردستان له‌ ده‌ور مه‌سعود بارزانى مه‌رجه‌ع كورد يه‌كه‌و بگرتان له‌وه‌ر جيوه‌جيكردن خواسته‌يل كورد.

 

مه‌عسوم له‌ ديمانه‌يگ وه‌ل "روداو" وت: ئه‌مريكا پشتگيرى كورد نه‌كردگه‌ تا واز له‌ليان بارێد و ئه‌مريكا وه‌گووره‌ى به‌رژه‌وه‌ندى خوه‌ى مامڵه‌ ئه‌كا له‌ ناوچه‌گه‌.

 

مه‌عسوم وت: ئه‌گه‌ر كورد يه‌كگرتن بياشتان له‌ناو خوه‌يان ئه‌وه‌ بارودوخه‌گه‌ جووريگتر بوى له‌باره‌ى دامه‌زرانن ده‌وڵه‌ت و كيشه‌يل تر، بايه‌سه‌ كاريش له‌بان دامه‌زرانن سوپايگ يه‌كگرتگ بكريه‌ێد و كووتايى وه‌ حاڵه‌ت شماره‌يى و سه‌ر وه‌ حزبه‌يل باريه‌ێد.

 

جى باسه‌، شيرين له‌باره‌ێ پۆسته‌گه‌ى باوگيشى وت: پۆست باوگم ته‌شريفيه‌و هويچ ده‌سڵاتيگ نه‌يرێد و هه‌ميشه‌يش باوگ دژ ئه‌وه‌ بويه‌ كورد پۆست سه‌رۆك كۆمار وه‌ربگرێد و ئه‌وه‌ وه‌ خاستر زانستگه‌ ك سه‌رۆكايه‌تى په‌رله‌مان وه‌ربگرێم له‌وه‌ر ئه‌وه‌گ ئى پۆسته‌ ده‌سڵات ته‌شريعى ديرێد و هه‌ميش وت: ئيمه‌ى كورد قانجاز له‌ پۆست سه‌رۆكايه‌تى نه‌كرديمنه‌.