هــــه‌واڵ كــوردى
يه‌كێتى نيشتمانى ناو كانديده‌يلێ ئه‌را سه‌رۆكايه‌تى كۆمار ئاشكراكرد

يه‌كێتى نيشتمانى ناو كانديده‌يلێ ئه‌را سه‌رۆكايه‌تى كۆمار ئاشكراكرد


شه‌فه‌ق نيوز/ يه‌كێتى نيشتمانى كوردستان ئاشكراى ئه‌وه‌ كرد له‌ ماوه‌ى دو رووژ ئاينده‌ كانديد ئه‌را سه‌رۆك كۆمار تازه‌ى عراق يه‌كلاوه‌ ئه‌دێ.

 

عه‌بدولعه‌زيز حه‌سه‌ن ئه‌ندام حزبه‌گه‌ ئه‌را شه‌فه‌ق نيوز وت: يه‌كێتى نيشتمانى مه‌سه‌له‌ى كانديده‌يل ئه‌را سه‌رۆكايه‌تى كۆمار يه‌كلاوه‌ كردگه‌و هه‌ر يه‌ك له‌ مه‌لا به‌ختيار و له‌تيف ره‌شيد ئه‌را ئى پۆسته‌ كانديد كريانه‌و باس له‌وه‌يش كرد پارت ديموكرات كوردستانيش هه‌وڵ ئى پۆسته‌ ئه‌ياد و كانديده‌يلێ پيكهاتنه‌ له‌ هۆشيار زێبارى و رۆژ نورى شاوه‌يس.

 

حه‌سه‌ن هه‌ميش وت: وه‌ گووره‌ى ريككه‌فتن سياسى، پۆست سه‌رۆكايه‌تى كۆمار له‌ به‌ش يه‌كێتى نيشتمانى كوردستانه‌و هويچ وه‌ختيگيش ده‌س له‌ به‌ش خوه‌ێ هه‌ڵناگرێد و له‌ ماوه‌ى دو رووژ تر ئاينده‌ دانيشتنيگ يه‌كلاكه‌ر له‌ناونى يه‌كێتى و پارتى ئه‌نجام ئه‌گرێد ئه‌را يه‌كلاكردنه‌وه‌ى ناكووكى له‌بان ئى پۆسته‌و چگن ئه‌را په‌رله‌مان وه‌ شيوه‌يگ يه‌كگرتگ وه‌بى ناكووكى.